ក្រុមចម្រៀង K-Pop ត្រូវបានប៉ូលិសអាមេរិកឃុំខ្លួនព្រោះសង្ស័យថាជាអ្នកបម្រើផ្លូវភេទ

2015-12-12 20:56:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងស្រី Oh My Girl ត្រូវបានសមត្ថកិច្ចនៅរដ្ឋ Los Angeles ធ្វើការឃុំឃាំងរយៈពេល១៥ម៉ោង ដោយសង្ស័យថាក្រុមចម្រៀងនេះជាអ្នកបម្រើសេវាផ្លូវភេទ។

តាមរយៈផលិតកម្ម WM ដែលជាអ្នកគ្រប់គ្រងក្រុមចម្រៀងស្រីនេះបានឲ្យដឹងថា សមត្ថកិច្ចបានធ្វើការឃុំឃាំងពួកគេបន្ទាប់ពីបានទៅដល់ព្រលានយន្តហោះ ដោយស្លៀកឈុតសំលៀកបំពាក់សម្រាប់ថតគ្របអាល់ប៊ុមចម្រៀងថ្មី។

“ពួកគេ(សមត្ថកិច្ច) ប្រហែលជាយល់ច្រឡំថា ពួកគេ(ក្រុមចម្រៀង)ជាអ្នកបម្រើសេវាផ្លូវភេទ"។ អ្នកនាំពាក្យមួយរូបបានលើកឡើងដូចនេះ។

ផលិតកម្ម WM បានឲ្យដឹងដែរថា គេកំពុងសូមការផ្ដល់ដំបូន្មានផ្នែកច្បាប់ក្នុងសហរដ្ឋអាមេរិក ដើម្បីឲ្យដឹងថា ការឃុំខ្លួនមកលើក្រុមចម្រៀងនេះ ជាទង្វើស្របច្បាប់ឬយ៉ាងណា។

គួរបញ្ជាក់ដែរថាក្រុមចម្រៀងដែលមានសមាជិកប្រាំបីនាក់នេះ បានធ្វើដំណើរទៅកាន់ប្រទេសកំណើតរបស់ខ្លួនវិញបន្ទាប់ពីត្រូវបានសមត្ថកិច្ចធ្វើការដោះលែងនៅព្រលានយន្តហោះ Los Angeles។ គេនៅមិនច្បាស់ទេថាតើក្រុម OMG នឹងត្រឡប់ទៅសហរដ្ឋអាមេរិកសារជាថ្មីដើម្បីបញ្ចប់ការថតគម្របអាល់ប៊ុមឬយ៉ាងណានោះទេ៕

ចុចអាន៖ EXO ចេញវីដេអូចម្រៀងថ្មីពីរ ស្ទីលប្លែក សម្រាប់រដូវកាលគ្រិស្តម៉ាស

ប្រែសម្រួល៖ ហៃ សុខហេង ប្រភព៖ BBC