សរុបបច្ចេកវិទ្យាថ្មីៗដែលក្រុមហ៊ុនទូរសព្ទធំៗបានបង្ហាញក្នុងឆ្នាំ២០១៥នេះ

2015-12-18 13:15:45
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេល១២ខែកន្លងទៅនេះឃើញថា មានក្រុមហ៊ុនផលិតទូរសព្ទជាច្រើនបានបញ្ចេញនូវបច្ចេកវិទ្យាថ្មីៗរបស់ខ្លួន ដើម្បីបង្អួតពីការវិវត្តខាងវិស័យបច្ចេកវិទ្យារបស់ខ្លួនរៀងៗខ្លួន។ ចង់ដឹងថាមានបច្ចេកវិទ្យាថ្មីៗអ្វីខ្លះដែលបានលេចរូបរាងឡើងនាពេលកន្លងមក ទៅតាមដានការរៀបរាប់ដូចខាងក្រោម៖

-បច្ចេកវិទ្យាអេក្រង់កោងទាំងសងខាងរបស់ Samsung

ក្រុមហ៊ុន Samsung បានធ្វើការបំពាក់បច្ចេកវិទ្យាថ្មី គឺអេក្រង់កោងទាំងសងខាងនៃគែមទូរសព្ទ Galaxy S6 Edge ដែលអាចធ្វើការបង្ហាញព័ត៌មានបាន ដូចជាលោតភ្លើង Notification, បង្ហាញឈ្មោះមនុស្សដែលយើងធ្វើការទំនាក់ទំនង, បង្ហាញជានាឡិកា និងបង្ហាញ Notification បានទៀតផង។ គួរបញ្ជាក់ថា Galaxy Note Edge គឺទូរសព្ទដែលមានអេក្រង់កោងដំបូងគេរបស់ Samsung ប៉ុន្តែវាមានរាងកោងតែម្ខាង និងអាចបង្ហាញព័ត៌មានតិចតួចជាង Galaxy S6 Edge និង S6 Edge +។

-បច្ចេកវិទ្យា Force Touch របស់ក្រុមហ៊ុន Huawei

ក្រុមហ៊ុន Huawei បានប្រកាសពីវត្តមានរបស់ទូរសព្ទ Mate S ដែលមានមកជាមួយនូវបច្ចេកវិទ្យាថ្មី Force Touch។ បច្ចេកវិទ្យានេះដំណើរដោយវាវាស់ពីកម្លាំងដែលអ្នកប្រើប្រាស់បានចុចលើអេក្រង់ ដែលអាចបញ្ជាលើមុខងារជាច្រើនដូចជា ពង្រីករូបភាព ឬបើកកម្មវិធីជាដើម។

-បច្ចេកវិទ្យា 3D Touch របស់ក្រុមហ៊ុន Apple

បច្ចេកវិទ្យានេះស្រដៀងនឹង Force Touch របស់ Huawei ដែរ ប៉ុន្តែ 3D Touch ដែលបំពាក់លើ iPhone 6s និង 6s Plus នេះមានលក្ខណៈពិសេសជាង ដោយត្រូវបានគេហៅថាមុខងារ Peek និង Pop។ Peek និង Pop នេះអាចឲ្យអ្នកធ្វើការ Preview ព័ត៌មានផ្សេងៗបានលើទូរសព្ទដោយមិនចាំបាច់បើកមើលដោយផ្ទាល់នោះទេ។ ចំពោះដំណើរការរបស់បច្ចេកវិទ្យានេះដូចគ្នានឹង Force Touch ដែរ គឺវាស់ពីកម្លាំងដែលអ្នកប្រើប្រាស់បានចុចលើអេក្រង់។

-ទូរសព្ទអេក្រង់កម្រិត 4K របស់ក្រុមហ៊ុន Sony

នៅក្នុងឆ្នាំ២០១៥នេះ ក្រុមហ៊ុន Sony បានបង្ហាញទូរសព្ទដែលមានអេក្រង់កម្រិត 4K ដំបូងគេ គឺ Sony Xperia 5 Premium។ អេក្រង់កម្រិត 4K នេះគឺអាចបង្ហាញរូបភាពដិតល្អជាងអេក្រង់ Full HD ដល់ទៅបួនដងឯណោះ ពោលគឺមានដង់ស៊ីតេ៨០៦ភិចហ្សែលក្នុងមួយអ៊ីញ។

-ទូរសព្ទមានអេក្រង់ពីរលើផ្ទៃតែមួយរបស់ក្រុមហ៊ុន LG

កាលពីដើមខែតុលា ក្រុមហ៊ុន LG បានបង្ហាញទូរសព្ទ LG V10 ដែលមានបំពាក់អេក្រង់ដល់ទៅពីរនៅលើផ្ទៃតែមួយ ពោលអេក្រង់ទីពីរគឺស្ថិតនៅលើជិតកាមេរ៉ាទូរសព្ទផ្នែកខាងមុខ។ អេក្រង់ទីពីរនេះមានតួនាទីសម្រាប់បង្ហាញជា Notification និងព័ត៌មានផ្សេងៗដែលចាំបាច់ដល់អ្នកប្រើប្រាស់។

ក្នុងចំណោមបច្ចេកវិទ្យាថ្មីៗខាងលើនេះ តើប្រិយមិត្តគិតថាបច្ចេកវិទ្យាណាមួយដែលចាំបាច់ជាងគេសម្រាប់អ្នក?

ចុចអាន៖ ទូរសព្ទ Samsung ១១ម៉ូដែលនឹងអាចដំឡើងទៅកាន់ Android 6.0 បាននៅឆ្នាំ២០១៦

ប្រែសម្រួល៖ ហៃ សុខហេង ប្រភពនិងរូបភាព៖ បរទេស