Lumia ជំនាន់ថ្មីប្រើបច្ចេកវិទ្យាសុវត្ថិភាពស្កែនប្រស្រីភ្នែកលក់ក្នុងតម្លៃក្បែរ ៧០០ ដុល្លារ

2015-12-22 19:04:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Microsoft បានបង្ហាញផលិតផលទូរសព្ទសែស្រឡាយ Lumia ជំនាន់ថ្មីកាលពីម្សិលមិញជាមួយការនាំបច្ចេកវិទ្យាសុវត្ថិភាពដោយការស្កេនប្រស្រីភ្នែក។ Lumia 950 ត្រូវបានក្រុមហ៊ុនដាក់លក់ក្នុងតម្លៃ ៥៥៩ ដុល្លារ និង Lumia 950 XL តម្លៃ ៦៦៩ ដុល្លារ។

លោក សេង មុនី្ន អ្នកគ្រប់គ្រងផ្នែកលក់ក្នុងក្រុមហ៊ុន KTH បានឲ្យដឹងថា ទូរសព្ទទាំងពីរម៉ូដែលដំណើរការដោយប្រព័ន្ធប្រតិបត្តិការជំនាន់ថ្មី Window 10។ Lumia ស៊េរីថ្មីបាននាំបច្ចេកវិទ្យាសុវត្ថិភាពប្រើប្រស្រីភ្នែកខុសប្លែកពីប្រព័ន្ធប្រតិបត្តិការដទៃទៀត។

ចំណុចពិសេសមួយទៀតគឺអាចប្រើជំនួសម៉ាស៊ីនកុំព្យូទ័រដោយភ្ជាប់ជាមួយស្រ្គីន សម្រាប់សម្រួលដល់ការបំពេញកិច្ចការងារបានកាន់តែងាយស្រួល។

លោកបញ្ជាក់ថា ទូរសព្ទទាំងពីរម៉ូដែលនេះអាចដំណើរការបានយ៉ាងល្អជាមួយការងារ ក្នុងការិយាល័យដោយមានភ្ជាប់ជាមួយនូវកម្មវិធី Microsoft Office ដូចជា Microsoft Office PowerPoint 2016 ជាមួយឧបករណ៍ Display Dock សម្រាប់ការធ្វើបទបង្ហាញជាមួយទូរសព្ទដៃជាដើម។

ទូរសព្ទម៉ូដែល Lumia 950 ក៏មានបំពាក់នូវបន្ទះ Qualcomm MSM8992 Snapdragon 808 ល្បឿន ១,៨២GHz, RAM ទំហំ ៣GB, អេក្រង់ទំហំ៥.២អ៊ីញ និងមានអង្គចងចាំជាប់ម៉ាស៊ីនទំហំ ៣២GB ហើយមានរន្ធសម្រាប់បន្ថែមអង្គចងចាំបានទៀតផង។ កាមេរ៉ាទូរសព្ទនេះមានទំហំរហូតដល់ ២០MP អាចផ្ដិតយករូបភាពបានស្អាតល្អ និងមានកាមេរ៉ា Selfie ទំហំ៥MP ផងដែរ។

ចំណែកឯទូរសព្ទម៉ូដែល Lumia 950 XL មានបំពាក់នូវបន្ទះ Qualcomm MSM8994 Snapdragon 810 មានអង្គចងចាំជាប់ម៉ាស៊ីនទំហំ ៣២GB ល្បឿនលឿន ទំហំ RAM ដូចនិង Lumia 950 ដែរ អេក្រង់ទំហំ៥.៧អ៊ីញ រីឯកាមេរ៉ាទំហំយក្សអាចផ្ដិតយករូបភាពបានស្អាត រហូតដល់ ២០MP ល្អ និងមានកាមេរ៉ា Selfie ទំហំ៥MP ផងដែរ និងមាន4G LTE ទៀតផង៕