ឪពុក Mark Zuckerberg ប្រាប់ពីគន្លឹះធ្វើឲ្យកូនក្លាយជាមនុស្សជោគជ័យ
- ច័ន្ទ, 28 ធ្នូ 2015 17:12
- ចំនួនមតិ 0 | ចំនួនចែករំលែក 0
ឪពុក Mark Zuckerberg ប្រាប់ពីគន្លឹះធ្វើឲ្យកូនក្លាយជាមនុស្សជោគជ័យ
ចន្លោះមិនឃើញ
អ្នកធ្លាប់បានដឹងហើយអំពីភាពជោគជ័យរបស់លោក Mark Zuckerberg។ តែអ្នកប្រហែលជាមិនទាន់បានដឹងទេថា តើឪពុកម្ដាយរបស់គាត់មានវិធីសាស្ត្រអ្វីខ្លះក្នុងការណែនាំឲ្យកូនក្លាយជាមនុស្សជោគជ័យដល់កម្រិតនេះ។ ខាងក្រោមជាគន្លឹះមួយចំនួនដែល Dr. Edward Zuckerberg ឪពុកលោកMark Zuckerberg បានធ្វើការចែករំលែកនូវគន្លឹះធ្វើឲ្យកូនក្លាយជាមនុស្សជោគជ័យ៖
១. ធ្វើជាគំរូសម្រាប់កូន៖ ធ្វើឲ្យកូនមើលឃើញនូវភាពមានទំនួលខុសត្រូវរបស់ឪពុកម្ដាយ និងជាអ្នកជួយតម្រង់ទិសដល់កូន។ លោកDr. Edward Zuckerberg បានបន្ថែមទៀតថា គាត់តែងតែប្រើប្រាស់នូវឧបករណ៍បច្ចេកវិទ្យាថ្មីសម្រាប់ជីវិតប្រចាំថ្ងៃ ដែលនេះជាមូលហេតុដែលធ្វើឲ្យកូនរបស់គាត់ Mark Zuckerberg មានការចាប់អារម្មណ៍យ៉ាងខ្លាំងជាមួយនឹងបច្ចេកវិទ្យា។
២. ស្វែងយល់និងគាំទ្រនូវចំណង់ចំណូលចិត្តរបស់កូន៖ លោក Dr. Edward Zuckerberg បានសង្កេតដឹងថា កូនប្រុសរបស់គាត់មានចំណូលចិត្តខាងសរសេរកម្មវិធី ដូចនេះគាត់បានជំរុញឲ្យ Mark បង្កើតកម្មវិធីផ្ញើសារមួយឡើង។
៣. បង្ហាញពួកគេថា អ្នកមានមោទនភាពចំពោះពួកគេ៖ និយាយឲ្យត្រង់នូវពាក្យសរសើរចំពោះភាពជោគជ័យដែលកូនទទួលបាន។
៤. ត្រូវមានដែនកំណត់ ៖ ត្រូវដឹងថាតើកូនបានដើរលើផ្លូវត្រូវដែរឬទេ ហើយត្រូវចាំថាក្មេងគឺក្មេង។ ពួកគេត្រូវការអ្នកជាអ្នកណែនាំតម្រង់ទិសដល់ពួកគេ។
៥. កុំឆាប់ចាស់៖ ទោះបីមានអាយុច្រើន តែត្រូវមានភាពជាមនុស្សវ័យជំទង់ ដែលធ្វើឲ្យងាយស្រួលចុះសម្រុងជាមួយក្មេងៗ៕
ចុចអាន៖ កំពូលអ្នកថតរូបប្រចាំសេតវិមានបង្ហាញបណ្ដុំរូបថតប្រចាំឆ្នាំ ថតដោយកាមេរ៉ា iPhone
ប្រែសម្រួល៖ រដ្ឋ ប្រភព៖ businessinsider