គួ ចាឡឺយត្រូវនារីថៃម្នាក់បកអាក្រាតរឿងឡើងគ្រែជាមួយគ្នា

2016-01-04 20:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីជនជាតិថៃម្នាក់មកពីខេត្ត Surat Thaniប្រទេសថៃបានទម្លាយឲ្យដឹងថា សម្ដែងតៃវ៉ាន់ Vich Chou (គួ ចាឡឺយ) ធ្លាប់ឡើងគ្រែជាមួយគ្នា អំឡុងពេលអ្នកទាំងពីរបានជួបគ្នានៅកោះសាមុយ។ នេះតាមការឲ្យដឹងពីគេហទំព័រ Ettoday។

នារីដែលមិនបានបញ្ចេញអត្តសញ្ញាណរូបនោះបាននិយាយឲ្យដឹងថា ពួកគេជួបគ្នាកាលពីថ្ងៃទី ៦ ខែ ឧសភា ឆ្នាំ ២០១៥ ខណៈតារាប្រុសវ័យ៣៤ឆ្នាំបានទៅដល់ប្រទេសថៃដើម្បីថតកម្មវិធីមួយ។ នាងបានអះអាងថា ខ្លួនពិតជាមានអារម្មណ៍ស្រលាញ់តារាសម្ដែងតៃវ៉ាន់នេះខ្លាំងមែនទែន ប៉ុន្តែចុងក្រោយ Chouបានប្រកាសថាខ្លួនមានប្រពន្ធរួចទៅវិញ។

នារីរូបនោះបានបន្តថា៖"គេ( Vich Chou) បានបោកប្រាស់ខ្ញុំ។ នៅពេលជួបគ្នាដំបូង Chou បាននិយាយទំនាក់ទំនងជាមួយខ្ញុំ ប៉ុន្តែគេមិនបានប្រាប់ថាមានប្រពន្ធនៅផ្ទះនោះទេ។ នៅពេលដែលខ្ញុំអានព័ត៌មានអំពីមង្គលការរបស់ពូកគេ ទើបខ្ញុំច្បាស់ពីទំនាក់ទំនងនេះ"។

ពាក់ព័ន្ធនឹងរឿងនេះ កាលពីព្រឹកថ្ងៃទី ២ ខែ មករា ឆ្នាំ២០១៦ អ្នកតំណាងសមាជិក F4 បានចេញមកបដិសេធថា៖"វាមិនមែនជារឿងពិតទេ ហើយពួកយើងក៏មិនបាននិយាយកុហកលាក់កំហុសរបស់ Vich Chou ទេ"។

កាលពីដើមខែ វិច្ឆិកា ឆ្នាំ ២០១៥ Vich Chou ដែលជាសមាជិកក្មេងជាងគេក្នុងក្រុម F4 បានប្រកាសតាមរយៈបណ្ដាញសង្គមថា ខ្លួនបានរៀបការតាមផ្លូវច្បាប់ហើយជាមួយមិត្តស្រី Reen Yu ក្រោយស្រឡាញ់គ្នា៤ឆ្នាំ៕