ប្រយ័ត្ន! Andriod ឥឡូវជាមុខសញ្ញាសំខាន់សម្រាប់ Hacker ក្នុងការលួចប្រាក់

2014-10-22 23:26:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Hacker បានបង្វែរគោលដៅពីការលួចប្រាក់តាមកុំព្យូទ័រមកវាយប្រហារបណ្ដា Smartphone កាន់តែខ្លាំងឡើងៗដើម្បីលួចគណនីធនាគាររបស់អ្នកប្រើប្រាស់ដែលក្នុងនោះប្រព័ន្ធប្រតិបត្តិការAndroid ជាមុខសញ្ញាសំខាន់ជាងគេរបស់ Hacker។

ក្រុមហ៊ុនផលិតកម្មវិធីកម្ចាត់មេរោគ Kaspersky និងអង្គភាពប៉ូលិសកម្ចាត់ឧក្រិដ្ឋកម្មអន្តរជាតិ (INTERPOL) បានចេញរបាយការណ៍ថា ពេលនេះក្រុម Hacker នៅទូទាំងពិភពលោកបានបង្វែរទិសដៅមកវាយប្រហារបណ្ដា Smartphoneទាំងអស់ក្នុងគោលបំណងលួចប្រាក់របស់អ្នកប្រើប្រាស់ហើយក្នុងនោះSmartphone ដែលប្រើប្រព័ន្ធប្រតិបត្តិការ Android រងគ្រោះគ្រោះខ្លាំងជាងគេដែលគិតជាភាគរយមានរហូតដល់ទៅ ៦០ភាគរយឯណោះ។ នេះក៏ដោយសារតែAndroid មានចំណែកទីផ្សារច្រើនជាងគេចំនួន៨៥ភាគរយ (នេះបើតាមការបញ្ជាក់ពីប្រភពខាងលើ)។

របាយការណ៍ពីប្រភពដដែលក៏បានបន្ថែមទៀតដែរថាមូលហេតុដែលHacker កំពុងផ្អែមមាត់លួចប្រាក់(តាមទូរសព្ទ)ក៏ដោយសារតែបច្ចុប្បន្នមានអ្នកប្រើប្រាស់កាន់តែច្រើនឡើងៗងាកមកប្រើអ៊ីនធឺណិតតាមរយៈSmartphone ជាពិសេសគឺការបញ្ជាទិញទំនិញលើ Online តែម្ដង។ ចំណែកឯកម្មវិធីដែលត្រូវបានដោនឡូតតាម Store ផ្សេងៗ (Play Store និងStore ពីភាគីទី៣ដូចជា Amazon App Store ជាដើម)គឺសុទ្ធតែបង្កការគំរាមកំហែងដល់អ្នកប្រើប្រាស់ដោយសារ Hackerអាចបញ្ចូលមេរោគទៅក្នុងកម្មវិធីមួយចំនួនដើម្បីឲ្យអ្នកប្រើប្រាស់ដោនឡូត។

ប្រភពដដែលបានសង្កត់ធ្ងន់ទៀតថាចំនួនជនរងគ្រោះដែលរងការវាយប្រហារច្រើនជាងគេបំផុតគឺនៅប្រទេសរុស្ស៊ីនិងប្រទេសបន្តបន្ទាប់ចំនួន ៨ផ្សេងទៀតដូចជា អ៊ុយក្រែន អេស្ប៉ាញ ចក្រភពអង់គ្លេស វៀតណាម ម៉ាឡេស៊ី អាល្លឺម៉ង់ ឥណ្ឌា និងបារាំង។ Malware ពីរដែលដើរតួសំខាន់ក្នុងការវាយប្រហារគណនីធនាគាររបស់ជនរងគ្រោះទាំងអស់នោះគឺ Trojan-Banker និង Trojan-SMS។ នេះបើតាមការបញ្ជាក់បន្ថែមពីក្រុមហ៊ុនKaspersky៕

ចុចអាន៖ Facebook បង្កើតប្រព័ន្ធឆែករកគណនីអ្នកប្រើប្រាស់ដែល Hacker លួច

ប្រែសម្រួល៖ ប៉ែត ផាន់និត ប្រភព៖ msn

ពាក្យទាក់ទង

ព័ត៌មានបច្ចេកវិទ្យា

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

Xiaomi ចេញរថយន្ដអគ្គិសនី រូបរាងស្រដៀង Ferrari ប្រព័ន្ធទំនើបមិនចាញ់ Tesla

លោកគ្រូ ធន់ សុភា ឆ្លើយតបសំណើរកីឡាករ DANIEL តាមរយៈ អេតមីន គឹមសង់ ហើយ!

Xiaomi MIX Flip 2 ទូរសព្ទអេក្រង់បត់កម្រិតកំពូល តម្លៃចាប់ពី 840$ ឡើងទៅ

Xiaomi បញ្ចេញវ៉ែនតា AI អាចថតរូបភាព និងវីដេអូកម្រិត 2K

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ