Pato ទៅដល់ទីក្រុងឡុងដុង និងប្រាប់ពីអារម្មណ៍ដែលបានផ្ទេរទៅ Chelsea
- 2016-01-28 17:41:07
- ចំនួនមតិ 0 | ចំនួនចែករំលែក 0
Pato ទៅដល់ទីក្រុងឡុងដុង និងប្រាប់ពីអារម្មណ៍ដែលបានផ្ទេរទៅ Chelsea
ចន្លោះមិនឃើញ
ខ្សែប្រយុទ្ធប្រេស៊ីល Alexandre Pato បានធ្វើដំណើរទៅដល់ទីក្រុងឡុងដុងប្រទេសអង់គ្លេសហើយម្សិលមិញ ដើម្បីបញ្ចប់ការផ្ទេរទៅក្លិប Chelsea ឲ្យរួចរាល់ ហើយអតីតកីឡាករ AC Milan រូបនេះ ប្រាប់ថា បានផ្ទេរទៅតោខៀវ គឺដូចជាសុបិនក្លាយជាការពិត។
Pato ព្រមផ្ទេរពីក្លិបប្រេស៊ីល Corinthians ទៅ Chelsea ក្នុងលក្ខខ័ណ្ឌខ្ចីជើង៦ខែ ដែលនឹងត្រូវលេងឲ្យតោខៀវ រហូតចប់រដូវកាលនេះ បន្ទាប់ពីរដូវកាលមុនរូបគេលេងឲ្យក្រុម Sao Paulo ក្នុងលក្ខខ័ណ្ឌខ្ចីជើងដែរ។
កីឡាករវ័យ២៦ឆ្នាំរូបនេះ បានប្រាប់ដល់ ESPN ម្សិលមិញថា៖ "ខ្ញុំមកដល់ទីនេះ គឺជាសុបិនក្លាយជាការពិត។ Chelsea គឺជាផ្ទះថ្មីរបស់ខ្ញុំ ហើយខ្ញុំពិតជាចង់លេងឲ្យពួកគេខ្លាំងណាស់។ ខ្ញុំរីករាយណាស់ ខ្ញុំចង់ជួបមិត្តរួមក្រុមថ្មីរបស់ខ្ញុំ និងចង់សម្របខ្លួនឲ្យល្អបានលឿនបំផុត តាមដែលអាចធ្វើបាន”។
Pato ធ្លាប់លេងឲ្យជម្រើសជាតិប្រេស៊ីល២៥ប្រកួត ស៊ុតបាន១០គ្រាប់ ហើយកីឡាកររូបនេះ ក៏ធ្លាប់ឈ្នះមេដាយប្រាក់នៅអូឡាំពិកទីក្រុងឡុងដុង កាលឆ្នាំ២០១២ ជាមួយនឹង Neymar ផងដែរ៕
ប្រែសម្រួល៖ វិន ជីវ័ន្ត ប្រភព៖ mirror | bbc
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
