Brad Pitt បង្ហាញស្នាមសាក់មានភាសាខ្មែរបង្កប់ន័យពិសេសសម្រាប់Angelina Jolie

2014-10-23 16:00:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងអាមេរិក Brad Pitt បានបង្ហាញឲ្យគេឃើញស្នាមសាក់អាថ៌កំបាំងមួយនៅលើពោះរបស់ខ្លួន កាលពីថ្ងៃសៅរ៍ សប្ដាហ៍មុន នៅពេលចូលរួមកម្មវិធីថតរូបអនុស្សាវរីយ៍ សម្រាប់ភាពយន្ត "Fury” នៅទីក្រុងប៉ារីស។

តារាវ័យ ៥០ឆ្នាំ ដែលទើបរៀបការជាមួយភរិយាជាតារាសម្ដែង Angelina Jolie កាលពីខែសីហា បានបង្ហាញស្នាមសាក់នេះនៅពេលដែលលោកលើកដៃរាដាក់ទស្សនិកជនក្នុងកម្មវិធី។ បើទោះជាមិនអាចឃើញស្នាមសាក់ទាំងស្រុង តែគេអាចឃើញលេខ ៤.៦.៧៥ ដែលជាថ្ងៃកំណើតរបស់ Angelina Jolie (ថ្ងៃទី៤ ខែមិថុនា ឆ្នាំ១៩៧៥) រួមជាមួយអក្សរអង់គ្លេសជាប់គ្នា ដែលគេសន្និដ្ឋានថាជាអក្សរ Angie (ឈ្មោះកាត់របស់ Angelina Jolie)។

ចំពោះលេខខ្មែរដែលជាថ្ងៃកំណើតរបស់ Angelina Jolie គឺ ត្រូវបានសាក់លើដងខ្លួនរបស់ Brad Pitt តាំងពីឆ្នាំ២០០៧ ប៉ុន្តែអក្សរ Angie គេទើបតែឃើញនាពេលថ្មីៗនេះប៉ុណ្ណោះ។

គូស្នេហ៍តារាល្បី Brad Pitt និង Angelina Jolie មានទំនាក់ទំនងច្រើនជាមួយប្រទេសកម្ពុជា បន្ទាប់ពីពួកគេបានយកកុមារាម្នាក់ពីកម្ពុជាយកទៅចិញ្ចឹម កាលពីឆ្នាំ២០០២ ដែលបច្ចុប្បន្នកុមារម្នាក់នេះមានឈ្មោះ Maddox និងមានអាយុ ១៣ឆ្នាំ។ Angelina Jolie បានបញ្ចូលសញ្ជាតិ "ខ្មែរ" ដើម្បីនាំយក Maddox ទៅចិញ្ចឹមស្របច្បាប់ ហើយនៅលើខ្លួននាងក៏មានរូបសាក់ជាភាសាបាលី ដែលជាការបួងសួងសុំក្ដីសុខសម្រាប់ Maddox ទៀតផង ៕

អានអត្ថបទ៖ “Fury” រឿងថ្មីរបស់ Brad Pitt ដែលជាប់លេខ១នៅអាមេរិកមកដល់កម្ពុជាហើយ