ស្រីស្អាតចិនស្រាប់តែល្បីកក្រើកព្រោះមុខដូច Fan Bing Bing ដល់ទៅ៩០%

2016-02-02 17:15:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពដូចគ្នារវាងស្រីស្អាតអាយុ ២២ ឆ្នាំនិងតារាសម្ដែងល្បីឈ្មោះ Fan Bingbing បានធ្វើឲ្យគេច្រឡំថាមិនដឹងថាអ្នកណាជាអ្នកណាឲ្យពិតប្រាកដ។

ចាប់តាំងពីពេលក្លាយជាតារាសម្ដែងដែលមានឈ្មោះល្បីនៅចិនមក ក្រៅពីព័ត៌មានទាក់ទងនឹងជីវិតផ្ទាល់ខ្លួន អ្វីដែលទាក់ទងនឹងឈ្មោះរបស់ Fan Bing Bing គឺតែងតែទទួលបានចំណាប់អារម្មណ៍ពីមហាជនជានិច្ច។ ជាក់ស្ដែង ថ្មីៗនេះនារីម្នាក់ស្រាប់តែមានឈ្មោះល្បីពេញអ៊ីនធឺណិតដោយសារតែមានមុខស្រដៀងនឹងតួរឿង "The Empress Of China”។

នារីដែលកំពុងតែត្រូវគេស្វែងរកលើអ៊ីនធឺណិតនេះមានឈ្មោះថា Ha Cheng Wei កើតឆ្នាំ ១៩៩៣ សព្វថ្ងៃកំពុងធ្វើជាគិលានុបដ្ឋាយិកានៅមន្ទីរពេទ្យកែសម្ផស្សមួយនៅប្រទេសចិន។ មតិមួយចំនួនបានលើកឡើងមុខរបស់នារីម្នាក់នេះដូចនឹង Fan Bing Bing រហូតដល់ទៅ ៩០%។

អ្នកប្រើប្រាស់អ៊ីនធឺណិតបានវាយតម្លៃថានេះគឺជាវិធីសាស្ត្រទាក់ទាញចំណាប់អារម្មណ៍របស់ស្រីស្អាតរូបនេះ។ ជាពិសេសនាងកំពុងធ្វើការនៅមន្ទីរពេទ្យកែសម្ផស្ស ដូចនេះហើយសម្រស់របស់នាងអាចបានមកពីការកែកុនក៏អាចថាបាន។ បើទោះបីជារងការវាយប្រហារពីមហាជនយ៉ាងណាក៏ដោយ ក៏ Ha Cheng Wei និងមិត្តប្រុសរបស់ខ្លួនមិនខ្វល់ពីពាក្យសម្ដីអវិជ្ជមានទាំងនេះដែរ ដោយអ្នកទាំង២នៅតែបន្តរស់នៅជាធម្មតា៕