Fan BingBing កូរ៉េត្រូវគេរិះគន់ខ្លាំងព្រោះចង់តោងកាលីបម្ចាស់ដើម

2016-02-03 18:22:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រី Hong Soo Ah ដែលល្បីឈ្មោះជាអ្នកចូលចិត្តធ្វើខ្លួនតាមតារាជួរមុខចិន Fan Bing Bing នោះត្រូវបានអ្នកប្រើអ៊ីនធឺណិតរិះគន់សាជាថ្មីនៅពេលបង្ហាញវត្តមានសម្ពោធភាពយន្តថ្មីរបស់ខ្លួន។ កាលពីល្ងាចថ្ងៃទី ២ខែកុម្ភៈមុននេះ សន្និសីទកាសែតសម្រាប់ភាពយន្ត "Melisse” ដែលនឹងចាក់បញ្ចាំងនៅពេលខាងមុខនេះត្រូវបានប្រព្រឹត្តឡើងនៅទីក្រុងសេអ៊ូល។ តារាសម្ដែងស្រី Hong Soo Ah ក្នុងនាមជាតួឯករបស់ភាពយន្តមួយនេះទាក់ទាញបានចំណាប់ជាច្រើនពីក្រុមអ្នកកាសែត។

បើទោះជានៅក្នុងកម្មវិធីនេះ តារាវ័យ ២៩ឆ្នាំមានសម្រស់ស្រស់ស្អាតយ៉ាងណាក៏ដោយ តែនាងមិនបានទទួលពាក្យសរសើរពីទស្សនិកជនទេ ដោយគេបានលើកថាស្រីស្អាតកើតឆ្នាំ ១៩៨៦រូបនេះចង់តោងកាលីបរបស់តារាស្រីល្បីឈ្មោះរបស់ចិន Fan Bing Bing ទើបខំប្រឹងទៅកែកុនមុខមាត់របស់ខ្លួនបែបនេះ។

ក្រោយពេលបានអានអត្ថបទរបស់ Hong Soo Ah រួចមក អ្នកប្រើប្រាស់អ៊ីនធឺណិតបានបញ្ចេញមតិរបស់ខ្លួនដូចជា៖

សុំនិយាយតែមួយឃ្លាទេ គឺចង់តោងកេរ្តិ៍ឈ្មោះរបស់ Fan Bing Bing ទាំងស្រុង។ មើលទៅស្អាតមែន តែមិនដូចជារបស់ពិតសោះ។ សុំសួរមួយ អ្នកណាគេហ្នឹង៕