CEO វ័យក្មេង សេង ពិសិដ្ឋ ប្រាប់ពីយុទ្ធសាស្ត្រ រក្សាបុគ្គលិកល្អឱ្យនៅធ្វើការបានយូរ

2016-02-04 17:03:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើមឈើរមែងជ្រុះស្លឹកចាស់ ផ្លាស់នូវស្លឹកថ្មី ចំណែកក្រុមហ៊ុនមួយ ក៏មិនអាចហាមឃាត់បុគ្គលិកល្អ ឬសំខាន់ ឱ្យនៅធ្វើការអស់មួយជីវិតដែរ ព្រោះថាពួកគេនឹងស្វែងរកអ្វីថ្មី។ ទោះជាបែបនេះក្ដី គេនៅតែអាចរក្សាបុគ្គលិកប្រភេទនេះឱ្យព្រមធ្វើការបានយូរដដែល ដោយអនុវត្តតាមរយៈវិធីសាស្ត្រផ្សេងៗគ្នា ហើយខាងក្រោមនេះ ជាយុទ្ធសាស្ត្រ របស់លោក សេង ពិសិដ្ឋ នាយកប្រតិបត្តិក្រុមហ៊ុន ANUSSA ។

-ត្រូវឱ្យបុគ្គលិកយល់ថា ក្រុមហ៊ុននេះដូចជាផ្ទះរបស់គេ -បន្តជំរុញសមត្ថភាពរបស់បុគ្គលិក -បណ្ដុះបណ្ដាលបុគ្គលិកនូវ ស្មារតី ជំនាញ និងការងារផ្សេងៗ -អនុញ្ញាតឱ្យបុគ្គលិកបញ្ចេញស្នាដៃ កសាងសមិទ្ធផលរបស់ខ្លួន -ក្រៅពីប្រាក់ខែ ត្រូវចេះផ្ដល់ជារង្វាន់ ប្រាក់លើកទឹកចិត្ត និងភាគហ៊ុនដល់បុគ្គលិក ពេលក្រុមហ៊ុនរីកចម្រើន -មិនត្រូវចាត់ទុកពួកគេត្រឹមតែបុគ្គលិកទេ ប៉ុន្តែជាទ្រព្យសម្បត្តិរបស់ក្រុមហ៊ុន

លោក ពិសិដ្ឋ ប្រាប់ថា បុគ្គលិកល្អជាបុគ្គលមានសមត្ថភាព មានចក្ខុវិស័យវែងឆ្ងាយ ដែលអាចដើរទៅមុខជាមួយក្រុមហ៊ុនបានហើយពួកគេរួមចំណែកសំខាន់ ក្នុងការជួយឱ្យក្រុមហ៊ុនរីកចម្រើន។

"បុគ្គលិកសំខាន់ ជាបុគ្គលិកដែលយើងត្រូវយកចិត្តទុកដាក់ខ្លាំង និងចាត់ទុកគាត់ដូចសមាជិកគ្រួសារអ៊ីចឹង។ ពួកគាត់មានសិទ្ធិដឹងឮព័ត៌មានសំខាន់ៗដូចយើងដែរ"។

លោកថា៖ " បុគ្គលិកល្អ មិនមែនសម្លឹងឃើញតែប្រាក់ខែទេ។ គាត់ជាបុគ្គលិកដែលធ្វើកន្លែងណា រីករីកចម្រើន និងមានកេរ្តិ៍ឈ្មោះកន្លែងហ្នឹង។ ពេលគាត់ចង់ចេញណា ក៏គេក៏ទទួលស្គាល់ដែរ។ អ៊ីចឹងហើយខ្ញុំចង់ឱ្យគាត់មានចំណុចនេះ"។

លោក សេង ពិសិដ្ឋ ឆ្នាំនេះមានវ័យទើបតែ ២៥ ឆ្នាំប៉ុណ្ណោះ ហើយក្រុមហ៊ុន ASNUSSA Event Planner របស់លោក បានបង្កើតឡើងពាក់កណ្ដាល ឆ្នាំ២០១៣៕

ថៅកែត្រី សាលម៉ុន ដែលមានចំណូល១លានកន្លះក្នុង១ឆ្នាំថា បុគ្គលិកល្អជួយអាជីវកម្មថ្កើង

អត្ថបទ៖ អ៊ុំ សុភក្តិ 