តូចចិត្ត ស្អប់ម្ដាយជាអ្នកក្រ តែចុងក្រោយទើបដឹងថា...
- 2016-02-08 18:56:43
- ចំនួនមតិ 0 | ចំនួនចែករំលែក 0
តូចចិត្ត ស្អប់ម្ដាយជាអ្នកក្រ តែចុងក្រោយទើបដឹងថា...
ចន្លោះមិនឃើញ
“ចូលឆ្នាំចិនហើយ មិត្តខ្ញុំគេបានខោអាវថ្មីៗ របស់លេងថ្មីៗ ចុះខ្ញុំ?” “អីចឹង កូនចង់បានអីពីម៉ាក់?” “ខំធ្វើការជាងនេះ ទើបយើងមិនក្រ។ រកលុយឲ្យបានច្រើនជាងនេះ ទើបយើងក្លាយជាអ្នកមាននឹងគេ!”
នេះជាសម្ដី Hock និយាយទៅកាន់ម្ដាយរបស់ខ្លួន ក្រោយមានរឿងជាមួយមិត្តភ័ក្ដិនៅសាលា និងត្រលប់មកផ្ទះវិញ។
រស់នៅជាមួយម្ដាយជាស្ត្រីមេម៉ាយនិងមានមុខរបរជាកម្មករនៅចម្ការកៅស៊ូ តែ Hock មិនដែលត្រូវបានម្ដាយប្រើឲ្យធ្វើការងារធ្ងន់ៗអ្វីឡើយ ក្រៅពីឲ្យរៀនសូត្រ។ ទោះយ៉ាងណាគេតែងតែមានអារម្មណ៍ខ្មាសអៀនចំពោះមិត្តភ័ក្ដិដែលជាកូនអ្នកមាន ជាពិសេសនៅពេលពួកគេហៅគេថា "អាក្មេងកៅស៊ូ" (Rubber Boy)។
ពេលជិតដល់ថ្ងៃចូលឆ្នាំចិន Hock បានជិះម៉ូតូមកសាលារៀនជាមួយម្ដាយធម្មតា ក៏ប៉ុន្តែគាប់ជួន មេឃភ្លៀងធ្វើឲ្យ ខោអាវរបស់គេទទឹកជោក និងត្រូវមិត្តរួមថ្នាក់សើចចំអកគេយ៉ាងខ្លាំង រហូតកើតមានជាជម្លោះវាយតប់។
ត្រលប់មកផ្ទះវិញនៅថ្ងៃនោះ Hock បានទាស់សម្ដីជាមួយម្ដាយម្ដងទៀត ហើយក៏បាននិយាយពាក្យអាក្រក់ៗខាងលើនោះទៅម្ដាយ។ ម្ដាយរបស់ Hock មិនបានខឹង ឬស្ដីបន្ទោសតទៀតឡើយពេលឮកូនប្រុសនិយាយពាក្យទាំងនេះ តែគាត់បាននិយាយចុងក្រោយថា៖ "បើកូនគិតថារកលុយស្រួល ថ្ងៃស្អែកទៅជាមួយម៉ាក់"។
Hock មិនស្ទាក់ស្ទើរនឹងសំណើរបស់ម្ដាយឡើយ ហើយថ្ងៃបន្ទាប់គេបានក្រោកពីព្រឹកទៅធ្វើការជាមួយម្ដាយពិតមែន។ នៅថ្ងៃនោះទើបគេថាម្ដាយរបស់គេខំប្រឹងប្រែងយ៉ាងណាដើម្បីគេ និងដឹងថាអ្វីជាសុភមង្គលពិតប្រាកដ។ ចង់ដឹងថា Hock បានយល់ដឹងពីអ្វីខ្លះ សូមទស្សនាវីដេអូរឿងខ្លីខាងក្រោមនេះតែម្ដង៖
អត្ថបទ៖ វ៉ាន់ថន វីដេអូ៖ PETRONASOfficial