Barca ឡើងផ្ដាច់ព្រ័ត្រ និងបំបែកកំណត់ត្រា ក្រោយស្មើ Valencia យប់មិញ
- 2016-02-11 15:54:17
- ចំនួនមតិ 0 | ចំនួនចែករំលែក 0
Barca ឡើងផ្ដាច់ព្រ័ត្រ និងបំបែកកំណត់ត្រា ក្រោយស្មើ Valencia យប់មិញ
ចន្លោះមិនឃើញ
លទ្ធផលស្មើ Valencia ១-១ នាជើងទី២ វគ្គពាក់កណ្ដាលផ្ដាច់ព្រ័ត្រ Copa del Rey យប់មិញ មិនត្រឹមតែជួយឲ្យក្រុម Barcelona ឡើងវគ្គផ្ដាច់ព្រ័ត្រជាលើកទី៦ ក្នុង៨ឆ្នាំប៉ុណ្ណោះទេ ប៉ុន្តែក៏ជាការបំបែកកំណត់ត្រាមួយនៅអេស្ប៉ាញដែរ ពោលគឺលេង២៩ប្រកួត (ប្រកួតផ្លូវការ) ដោយមិនចាញ់សោះ។
ដោយមាន៧គ្រាប់ក្នុងដៃកាលពីជើងទី១ ក្រុមនៅតំបន់ Catalan បានដាក់កីឡាករក្នុងក្រុមបម្រុងស្ទើរទាំងអស់ឲ្យចូលលេង ប៉ុន្តែនៅតែអាចធ្វើបានល្អដដែល។
នៅក្នុងការប្រកួតនេះ Valencia ត្រូវការជ័យជម្នះជាចាំបាច់ បើទោះបីដឹងខ្លួនថាពិបាកនឹងឡើងវគ្គផ្ដាច់ព្រ័ត្រក៏ដោយ។ ជ័យជម្នះនឹងជួយបន្ថយសម្ពាធគ្រូបង្វឹក Gary Neville ហើយក៏ដើម្បីផ្ដល់កាដូជូនអ្នកគាំទ្ររបស់ខ្លួននៅកីឡដ្ឋាន Mestalla ផងដែរ។ Alvaro Negredo បានជួយឲ្យក្រុមកំពុងដុនដាបមួយនេះ នាំមុខមុននាទី៣៩ ប៉ុន្តែសល់៦នាទីចប់ការប្រកួត កីឡាករយុវជន Wilfrid Kaptoum វ័យ១៩ឆ្នាំ បានជួយឲ្យ Barca តាមស្មើវិញ បន្ទាប់ពីប្ដូរចូលលេងបានតែប៉ុន្មាននាទីប៉ុណ្ណោះ។
លទ្ធផលសរុប៨-១ ធ្វើឲ្យ Barcelona ត្រូវទៅចាំមុននៅវគ្គផ្ដាច់ព្រ័ត្រ ដោយរង់ចាំជួបក្រុមឈ្នះរវាង Sevilla និង Celta Vigo យប់នេះ។ កាលពីជើងទី១ Sevilla បានបំបាក់ Celta ៤-០៕
Neville កើនសម្ពាធកាន់តែខ្លាំងនៅ Valencia
កីឡដ្ឋាន Mestalla របស់ Valencia មិនសូវមានអ្នកទស្សនា ដោយសារចាញ់ធ្ងន់កជើងទី១
ប្រភព៖ fcbarcelona