“The Mermaid” ភាពយន្តថ្មីរបស់ ទិន ហ្វី បំបែកកំណត់ត្រាជាច្រើន ក្នុងថ្ងៃចូលឆ្នាំចិន
- 2016-02-11 16:46:48
- ចំនួនមតិ 0 | ចំនួនចែករំលែក 0
“The Mermaid” ភាពយន្តថ្មីរបស់ ទិន ហ្វី បំបែកកំណត់ត្រាជាច្រើន ក្នុងថ្ងៃចូលឆ្នាំចិន
ចន្លោះមិនឃើញ
ខ្សែភាពយន្តថ្មី “The Mermaid” របស់កំពូលតារាសម្ដែងនិងកំប្លែងហុងកុង Stephen Chow បានក្លាយជាខ្សែភាពយន្តដែលអាចរកចំណូលបានច្រើនជាងគេលើតារាង box office របស់ចិនក្នុងថ្ងៃចូលឆ្នាំចិន។
“The Mermaid” ដែលបានចាប់ផ្ដើមចាក់បញ្ចាំងកាលពីនៅថ្ងៃទី ៨ ខែ កុម្ភៈ ចំនឹងថ្ងៃចូលឆ្នាំចិននោះ អាចរកចំណូលក្នុងថ្ងៃដំបូងដល់ទៅ ៤០,៩លានដុល្លារ ហើយចំនួនទឹកប្រាក់ដែលទទួលបាន បានធ្វើឲ្យខ្សែភាពយន្តមួយនេះបំបែកកំណត់ត្រាជារឿងចិនដែលរកចំណូលបានច្រើនជាងគេក្នុងថ្ងៃចាក់បញ្ចាំងដំបូង។
ក្នុងថ្ងៃទីបី រឿងដែលដឹកនាំផ្ទាល់ដោយ ទិន ហ្វីបានកើនប្រាក់ចំណូលបន្ថែមដល់ទៅ ១០០,៥លានដុល្លារ ធ្វើឲ្យ “The Mermaid” ក្លាយជាភាពយន្តដែលរកចំណូលបានច្រើនជាងគេត្រឹមរយៈពេល៣ថ្ងៃនៃថ្ងៃឈប់សម្រាក។
ខ្សែភាពយន្ត “The Mermaid” បរិយាយពីសាស្ត្រាចារ្យជីវវិទ្យាម្នាក់ដែលបានរកឃើញ និងលង់ស្នេហ៍ទេពមច្ឆាដ៏ស្រស់ស្អាតមួយរូប។ ដឹកនាំដោយ Stephen Chow “The Mermaid” រួមសម្ដែងដោយតារាល្បីៗដូចជា Deng Chao, Show Luo, Kris Wu, Zhang Yuqi និងតារាស្រីជើងថ្មី Lin Yun ដែលដើរតួជាទេពមច្ឆា៕
ទស្សនា Trailer នៃរឿងនេះ៖
ចុចអាន៖ទិនហ្វី លេចមុខផ្សព្វផ្សាយភាពយន្តថ្មី ជាមួយតួស្រីដ៏សិចស៊ី
ប្រែសម្រួល៖ ហេង សុធារិទ្ធិ ប្រភព៖ jaynestars ,hollywoodreporter
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
