Fan Bing Bing នាំមិត្តប្រុសមកបង្ហាញមុខគ្រួសារនៅស្រុកជាលើកដំបូង

2016-02-12 17:13:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះជាលើកទីមួយដែលតារាសម្ដែងប្រុស Li Chen មានឱកាសបង្ហាញមុខឲ្យសាច់ញាតិខាងមិត្តស្រីទាំងអស់បានស្គាល់។

នៅក្នុងឱកាសចូលឆ្នាំថ្មីប៉ុន្មានថ្ងៃមុននេះ តារាស្រីល្បីឈ្មោះរបស់ចិន Fan Bing Bing បានបង្ហោះរូបទទួលឆ្នាំថ្មីរបស់ខ្លួនជាមួយមិត្តប្រុសនៅស្រុកកំណើតរបស់ខ្លួន។ នេះគឺជាលើកទីមួយដែលតារាប្រុសនេះមកលេងស្រុកកំណើតរបស់មិត្តស្រី។

“គ្រួសាររបស់ខ្ញុំ ជាពិសេសគឺលោកយាយគឺចូលចិត្តគាត់ខ្លាំងណាស់។ គាត់យកចិត្តទុកដាក់ចំពោះអ្នកដទៃខ្លាំងណាស់តាំងពីរឿងហូបចុក និងជជែកគ្នាលេង និយាយរួមទៅគាត់គាត់គឺជាមនុស្សដិតដល់ម្នាក់"។ តួរឿង "The Empress Of China” និយាយមិត្តប្រុស។

តារាប្រុសអាយុ ៣៧ ឆ្នាំបានតាមមិត្តស្រីទៅលេងខេត្ត Shandong តាំងពីថ្ងៃទី ៩ ខែកុម្ភៈម្ល៉េះ។ Fan Bing Bing បានឲ្យដឹងថារយៈពេលដើមឆ្នាំគឺជាពេលវេលាដ៏កម្រសម្រាប់សាច់ ញាតិជួបជុំគ្នា ដូចនេះហើយបើទោះបីជារវល់យ៉ាងណាក៏នាងនឹងឆ្លៀតពេលដើម្បីបាន នៅជិតគ្រួសារដែរ។ កាលពីឆ្នាំមុន តារាកើតឆ្នាំ ១៩៨១ បានទៅលេងស្រុករបស់មិត្តប្រុស រីឯឆ្នាំនេះ សង្សារនាងបានមកសួរសុខទុក្ខគ្រួសាររបស់មិត្តស្រីវិញម្ដង៕