ឡូរ៉ា ម៉ម ចំណាយពេលរៀនខ្មែរ ៤ឆ្នាំនៅ កាលីហ្វ័រញ៉ា

2016-02-16 17:59:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡូរ៉ាម៉ម តារាចម្រៀងខ្មែរសញ្ជាតិអាមេរិក បានប្រាប់ Sabay ថា មូលហេតុដែលនាងអាចចេះអាន និងសរសេរខ្មែរបានដោយសារនាងបានទៅរៀនភាសាខ្មែរ ៤ ឆ្នាំនៅមហាវិទ្យាល័យមួយនៅឯ រដ្ឋកាលីហ្វ័រញ៉ា សហរដ្ឋអាមេរិក។

ដោយសារការចង់ចេះចង់ដឹងខ្លួនឯង តួឯកស្រីក្នុងស្ប៉ត អង្គរសង្ក្រាន្ត២០១៥ បន្តទៀតថា នៅពេលដែលនាងសិក្សាផ្នែកបុរាណវិទ្យា បានដឹងពីប្រវត្តិសាស្ត្រខ្មែរទាក់ទងនឹងប្រាសាទអង្គរវត្ត និងស្ថានភាពប្រទេសកម្ពុជាក្រោមអាណាព្យាបាលបារាំង។ ដូច្នេះហើយទើប នាង មានចិត្តចង់សិក្សា ស្វែងយល់ អំពីវប្បធម៌ខ្មែរកាន់តែខ្លាំង។

យ៉ាងណាមិញ មកដល់ពេលនេះ ឡូរ៉ា អាចអានភាសាខ្មែរបាន តែមិនសូវរលូននោះទេ ចំណែកឯការសរសេរវិញ ក៏សរសេរបានច្រើនតែពេលខ្លះក៏ខុសច្រើន ដែរ។ម្ចាស់បទ" ណាវណ្ណី គឺខ្ញុំ" បន្ថែមថា៖ "ពេលនិយាយគ្នាធម្មតាខ្ញុំមិនសូវភ័យទេ តែពេលឡើងទូរទស្សន៍ខ្ញុំខ្លាចគេនិយាយពាក្យ ខ្ពស់ៗ ខ្លាចខ្ញុំអត់ចេះ" ។

ដោយសារភាសាខ្មែរជាភាសាចំណាស់មួយ និងមានពាក្យកម្ចីច្រើន ធ្វើឲ្យ ឡូរ៉ា មានការលំបាកខ្លាំងក្នុងការរៀនភាសាមួយនេះ ៖ "ភាសាខ្មែរពិបាករៀនណាស់ ដូចជាភាសាសំស្ក្រឹតអីពិបាកមែនទែន"។ ឡូរ៉ាបានបន្ថែម។

ឡូរ៉ា ម៉ម ជាតារាចម្រៀងខ្មែរសញ្ជាតិអាមេរិក កំពុងតែពេញនិយមក្នុងស្រទាប់យុវវ័យតាមរយៈការ យកចម្រៀងចាស់ៗ មកច្រៀង។ ហើយនាងក៏បានសម្រេចចិត្តមករស់នៅប្រទេសកម្ពុជា គិតមកទល់ពេលនេះមានរយៈពេលជាងមួយឆ្នាំហើយ៕

ដឹងថា បេនីយ៉ាំង ថតរឿងមួយថ្ងៃស៊ីថ្លៃប៉ុន្មានអត់?

អត្ថបទ៖ ថា ម៉ាលីដា