សមាជិក Girls' Generation និង Park Shinhye ទទួលរង្វាន់ពិសេសថ្ងៃបញ្ចប់ការសិក្សា

2016-02-16 17:59:58
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀង Girls' Generation ២រូបគឺ Yuri និង Soo Young ព្រមទាំងតារាសម្ដែងស្រី Park Shinhye បានទទួលសញ្ញាប័ត្របញ្ចប់ការសិក្សាកាលពីថ្ងៃទី ១៥ ខែកុម្ភៈមុននេះ។

កាលពីថ្ងៃទី ១៥ ខែកុម្ភៈកន្លងទៅនេះ សកលវិទ្យាល័យ Chung Ah របស់កូរ៉េខាងត្បូងបានប្រារព្ធកម្មវិធីចែកសញ្ញាប័ត្រដល់និស្សិតទាំងអស់ដែលបានបញ្ចប់ការសិក្សានៅសាលារបស់ខ្លួន។ ក្រោយរយៈពេលជិត ៥ ឆ្នាំតាមរៀនជំនាញល្ខោននិងភាពយន្តនៅមហាវិទ្យាល័យ Chung Ah សមាជិក២រូបរបស់ក្រុមចម្រៀងកូរ៉េ Girls' Generation គឺ Yuri និង Soo Young ក៏បានបញ្ចប់ការសិក្សារបស់ខ្លួនបានសម្រេច។ មិនត្រឹមតែទទួលបានសញ្ញាប័ត្រសម្រាប់ជំនាញរបស់ខ្លួននោះទេ តារាចម្រៀង២រូបនេះក៏ទទួលបានរង្វាន់កិត្តិយសពីសាលាផងដែរក្នុងនាមជាអ្នកតំណាងឲ្យសកលវិទ្យាល័យ Chung Ah។

ក្រៅពីសមាជិកស្រស់ស្អាត២រូបរបស់ក្រុមចម្រៀងរបស់ផលិតកម្ម SM ខាងលើ ក៏មានតារាមួយរូបទៀតដែលមានវត្តមាននៅក្នុងកម្មវិធីនេះ នោះគឺតារាសម្ដែងស្រី Park Shinhye។ តារាសម្ដែងអាយុ ២៥ ឆ្នាំបានចូលរៀនតាំងពីឆ្នាំ ២០០៨ មកម្ល៉េះ តែបានផ្អាកការសិក្សាវិញនៅឆ្នាំទី៤ដោយសារតែរវល់ដកឃ្លាមិនរួច។ ពាក់កណ្ដាលឆ្នាំ ២០១៥ តួរឿង "Heart strings” សម្រេចចិត្តត្រលប់មកបញ្ចប់ការសិក្សារបស់ខ្លួនឯងវិញហើយទទួលបានការសរសើរយ៉ាងខ្លាំងពីអ្នកគាំទ្រ៕