“The Mermaid” របស់ទិន ហ្វីនឹងមានវគ្គ ២ និង ៣ តទៀត

2016-02-18 13:39:44
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Zhang Yuqi ជឿជាក់ថាចំពោះភាពយន្តដ៏ល្អបែបនេះ ស្ដេចកំប្លែងហុងកុងនឹងបន្តផលិតច្រើនវគ្គតទៅទៀត។

តាមបណ្ដាញព័ត៌មាន Ifeng តួលេខចុងក្រោយនេះបានបង្ហាញថា ភាពយន្ត "The Mermaid” ដែលត្រូវបានផលិតដោយតារាសម្ដែង Stephen Chow រកបានថវិកាសរុបបាន ២ពាន់លានយាន់ (៣០៦ លានដុល្លារអាមេរិក) ហើយក្រោយពេលដាក់បញ្ចាំងត្រឹមតែ ៩ថ្ងៃ។ នេះអាចចាត់ទុកថាជាកំពូលភាពយន្តមួយក្នុងវិស័យភាពយន្តចិន ហើយនឹងអាចមានលទ្ធភាពក្លាយជារឿងដែលរកចំណូលបានច្រើនជាងគេក្នុងប្រវត្តិសាស្ត្រចិន។

ឆ្លើយតបនឹងសំណួរថាតើអាចមានវគ្គថ្មីឬអត់ តារាសម្ដែង Zhang Yuqi តួចិត្តអាក្រក់ក្នុងរឿង និយាយទាំងជឿជាក់ថា៖ "មានទស្សនិកជនទស្សនាច្រើនបែបនេះ ប្រាកដណាស់ថារឿងនឹងផលិតវគ្គ២ និង ៣បន្តទៀត។ តាមខ្ញុំគិត បងទិន ហ្វីនឹងប្រាប់ពីគម្រោងនៅពេលឆាប់ៗខាងមុខ"។

នៅក្នុងរឿង "The Mermaid” លើកដំបូងហើយដែលតារាសម្ដែងអាយុ ២៩ ឆ្នាំដើរតួចិត្តអាក្រក់។ ប្រភពមួយចំនួនបានលើកថានាងត្រូវគេឈ្នានីសទើបធ្លាក់តួបែបនេះ តែស្រីស្អាតរូបនេះមិនបានគិតដូច្នោះទេ។ "តាំងពីដើមរហូតមកដល់ពេលនេះ ខ្ញុំមិនដែលមានឱកាសបានដើរតួអវិជ្ជមាននោះទេ។ ស្រាប់តែពេលនោះ បង Stephen បានមករកខ្ញុំហើយប្រគល់តួនេះ ពិតជាឱកាសដែលកម្ររកបានណាស់។ ខ្ញុំបានទទួលយកតួនេះទាំងមិនគិតច្រើន"៕

ចុចអាន៖តួស្រីថ្មីរបស់ទិន ហ្វីកំពុងរស់នៅជាមួយតារាប្រុសអាយុបងខ្លួន ១៨ឆ្នាំ

ប្រែសម្រួល៖ សុវណ្ណផៃ ប្រភព៖zing