Angelina Jolie៖ ប្រទេសកម្ពុជាផ្លាស់ប្ដូរជីវិតខ្ញុំ

2016-02-18 17:42:59
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយប្រាប់ភ្នាក់ងារព័ត៌មាន AP អំឡុងពេលពេលសម្ភាសន៍មួយនៅក្នុងប្រទេសកម្ពុជាកាលពីថ្ងៃពុធ តារាសម្ដែងអាមេរិក Angelina Jolie បានថ្លែងថា៖"វាពិតជាចម្លែកណាស់ ខ្ញុំមិនដែលចង់មានកូនម្នាក់ទេ។ ខ្ញុំក៏មិនដែលចង់មានផ្ទៃពោះដែរ។ ខ្ញុំមិនដែលគិតថាខ្លួនឯងក្លាយជាម្ដាយគេទេ។ ប៉ុន្តែពេលមកដល់កម្ពុជាអ្វីៗបានប្រែប្រួល"។

បច្ចុប្បន្នម្ចាស់ពានរង្វាន់ Oscar កំពុងស្ថិតនៅប្រទេសកម្ពុជាដើម្បីដឹកនាំរឿង”First They Killed My Father” ឬ "ដំបូងខ្មែរក្រហមសម្លាប់ប៉ារបស់ខ្ញុំ" ដែលផលិតដោយផ្អែកលើសៀវភៅរឿងពិតរបស់អ្នកនិពន្ធ និងសកម្មជនសិទ្ធិមនុស្សកម្ពុជា លឿង អ៊ឹង ដែលបានរួចជីវិតយ៉ាងលំបាកវេទនាក្នុងសម័យខ្មែរក្រហម។

តារាស្រីវ័យ៤០ឆ្នាំចាប់ផ្ដើមគិតដំបូងអំពីការចង់បាននិងរស់នៅជាមួយក្មេងៗ នៅពេលដែលនាងមកថតរឿង Tomb Raider នៅឆ្នាំ២០០០ នៅប្រទេសកម្ពុជា។ គ្រាមួយពេលដែលប្រពន្ធរបស់ Brad Pitt បានមកលេងក្មេងៗនៅសាលាមួយក្នុងប្រទេសកម្ពុជា នាងមានអារម្មណ៍ថាកូនរបស់នាងគឺស្ថិតនៅប្រទេសនេះ។ នៅឆ្នាំ២០០២ Angelinaក៏យល់ព្រមយក Maddox មកចិញ្ចឹម។

“ពេលដែលខ្ញុំមកដល់កម្ពុជាដំបូង វាបានផ្លាស់ប្ដូរខ្ញុំ។ វាបានប្ដូរទស្សនវិស័យរបស់ខ្ញុំ។ ខ្ញុំបានដឹងប្រវត្តិសាស្ត្រជាច្រើននៅប្រទេសនេះ ទាំងខ្ញុំមិនបានរៀននៅសាលានិងដឹងរឿងជីវិតជាច្រើន ដែលខ្ញុំចង់យល់ចង់ដឹង។ តួស្រីក្នុងរឿង "Maleficent” បានបន្ថែមថា នាងមានអារម្មណ៍ពិតគ្មានអ្វីទាំងអស់ពេលនៅទីក្រុង Los Angeles។

នាងធ្លាប់មានក្ដីរំភើបដោយការសន្ដោសប្រណីនិងការផ្ដល់ភាពកក់ក្ដៅពីប្រជាជនកម្ពុជា ត្បិតតែប្រទេសនេះជួបសោកនាដកម្មប្រជាជនស្លាប់ជាង២លាននាក់ក្នុងសម័យខ្មែរក្រហមក៏ដោយ។ អំឡុងពេលថតរឿង " Lara Croft” នៅឆ្នាំ២០០០នៅកម្ពុជា ឈុតមួយចំនួនតម្រូវឲ្យគេចគ្រាប់មីន។ វាហាក់ដូចធ្វើឲ្យនាងដឹងអារម្មណ៍ពិតនៅជនភៀសខ្លួនដែលប្រឈមមុខក្នុងប្រទេសដែលកំពុងមានសង្គ្រាម។ សម្រាប់ការថតរឿងនេះបានបង្ហាញកាយល់ដឹងនិងធ្វើឲ្យនាងចាប់ផ្ដើមស្វែងយល់ចំណេះដឹងទាំងនោះ។ វាក៏បានជំរុញចិត្តរបស់ Angelina ទាក់ទងឧត្ដមស្នងការរបស់អង្គការ U.N សម្រាប់ជនភៀសខ្លួនដើម្បីសិក្សាអំពីការងាររបស់ទីភ្នាក់ងារមុនក្លាយជាទូតសុឆន្ទៈនៅឆ្នាំ២០០១៕