ទិន ហ្វីជូនអាំងប៉ាវដល់អ្នកគាំទ្រក្នុងឱកាសរឿងថ្មីបំបែកកំណត់ត្រា
- 2016-02-19 13:07:05
- ចំនួនមតិ 0 | ចំនួនចែករំលែក 0
ទិន ហ្វីជូនអាំងប៉ាវដល់អ្នកគាំទ្រក្នុងឱកាសរឿងថ្មីបំបែកកំណត់ត្រា
ចន្លោះមិនឃើញ
ស្ដេចកំប្លែងហុងកុងបានចែកអាំងប៉ាវដល់អ្នកគាំទ្រដែលបានអញ្ជើញមកក្នុងកម្មវិធីជួបជុំអ្នកគាំទ្ររបស់ខ្លួន។
កាលពីថ្ងៃទី ១៦ ខែកុម្ភៈ ស្ដេចកំប្លែងហុងកុង Stephen Chow និងក្រុមការងាររបស់ភាពយន្ត "The Mermaid” បានរៀបចំកម្មវិធីជួបជុំអ្នកគាំទ្ររបស់ខ្លួននៅក្រុង Changchun ខេត្ត Jilin ប្រទេសចិន។ នៅក្នុងកម្មវិធីនេះដែរតួឯកស្រីរបស់រឿង នាង Lin Yun បានឆ្លើយតបនឹងសំណួរដែលអ្នកគាំទ្របានសួរមកកាន់តារាវ័យក្មេងរូបនេះ។
អ្វីដែលធ្វើឲ្យអ្នកគាំទ្រត្រេកអរនិងភ្ញាក់ផ្អើលនោះគឺ តារាសម្ដែងអាយុ ៥៣ ឆ្នាំបានចុះពីលើឆាកនិងជូនអាំងប៉ាវទៅកាន់អ្នកគាំទ្ររបស់ខ្លួន ធ្វើឲ្យពួកគេទប់អារម្មណ៍សឹងមិនបាន។ កម្មវិធីជួបជុំអ្នកគាំទ្រនេះត្រូវបានរៀបចំឡើងដើម្បីថ្លែងអំណរគុណទៅកាន់ទស្សនិកជនដែលបានស្រលាញ់ចូលចិត្តភាពយន្តមួយនេះ និងបានជួយឲ្យ "The Mermaid” បំបែកបានកំណត់ត្រាជាច្រើននៅក្នុងវិស័យភាពយន្តចិន។ ក្រោយរយៈពេលចាក់បញ្ចាំងបាន ៩ ថ្ងៃ "The Mermaid” កំពុងរកបាន២ពាន់លានយាន់(៣០៦លានដុល្លារអាមេរិក) ហើយរឿងមួយនេះនៅតែកំពុងបានចាក់ផ្សាយនៅរោងភាពយន្តនៅឡើយ៕
ចុចអាន៖“The Mermaid” របស់ទិន ហ្វីនឹងមានវគ្គ ២ និង ៣ តទៀត
ប្រែសម្រួល៖ សុវណ្ណផៃ ប្រភព៖chinaentertainmentnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
