អនុវត្តវិធីងាយៗដើម្បីឲ្យឡានមានហុងស៊ុយតាមក្បួនចិន

2016-02-19 13:30:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ហុងស៊ុយគឺជាក្បួនតម្រាចិនដែលគេគិតថាវាជួយនាំយកនូវរាសី និងភាពជោគជ័យឲ្យខ្លួនក៏ដូចជាវត្ថុប្រើប្រាស់ប្រចាំថ្ងៃ ក្នុងនោះមានរួមទាំងរថយន្តផងដែរ។ តទៅនេះនឹងបង្ហាញពីវិធីដែលត្រូវអនុវត្តដើម្បីឲ្យរថយន្តមានហុងស៊ុយ ដោយដកស្រង់ពីវិបសាយ Wiki How។

១. ចាក់ចម្រៀងបទណាមួយនៅពេលចូលទៅក្នុងរថយន្តភ្លាម ដោយតាមជំនឿគេជឿថាវាអាចជួយបណ្ដេញថាមពលចង្រៃដែលមានក្នុងលំហអាកាស។

២. សម្អាតឥវ៉ាន់ដែលរាយប៉ាយ និងយកសំរាមទាំងឡាយចេញពីក្នុងរថយន្តដើម្បីអាចឲ្យថាមពលសំណាងហូរចុះឡើងក្នុងរថយន្ត។ អ្នកជំនាញខាងហុងស៊ុយបង្រៀនថាភាពរប៉ាត់រប៉ាយបង្កើតជាភាពច្របូកច្របល់ និងសង្កត់ថាមពល ដែលអាចបណ្ដាលឲ្យអ្នកបើកបរចុះខ្សោយកម្លាំង។

៣. ត្រូវមានទឹកមួយដបក្នុងរថយន្ត និងពិសាឲ្យបានញឹកញាប់។ ទឹកតំណាងឲ្យភាពស្រស់ថ្លា និងការចេះគិតដិតដល់ ហេតុនេះជួយបង្កើនស្មារតីប្រុងប្រយ័ត្ន។ ទឹកក៏អាចជួយបណ្ដេញថាមពលចង្រៃក្នុងរថយន្ត ដែលបណ្ដាលមកពីឧបករណ៍អេឡិចត្រូនិកដូចជាទូរសព្ទដៃ។

៤. ត្រូវសម្អាតកញ្ចក់រថយន្តឲ្យបានស្អាតជានិច្ច។ បើតាមអ្នកជំនាញហុងស៊ុយឲ្យដឹងថា កញ្ចក់គឺចាត់ដូចជាភ្នែករថយន្ត ហើយរក្សាភាពស្អាតរបស់វាអាចឲ្យថាមពលសំណាងហូរចូលបាន។

៥. រោយអំបិលនៅលើកម្រាលព្រំឡានដើម្បីស្រូបយកថាមពលចង្រៃដែលអ្នកដំណើរនាំយកចូល។ បន្ទាប់មកបូមអំបិលនោះចេញពីរថយន្ត ដោយការធ្វើដូចនេះប្រៀបដូចជាការបណ្ដេញថាមពលចង្រៃចេញដូច្នោះដែរ។

៦. បិទសញ្ញានៃការការពារលើទ្វាររថយន្តអ្នក។ នាគនិងរមាសជាសញ្ញាពីរដែលល្បីខាងការការពារ។ នាគក៏ជាសត្វនាំសំណាងខ្លាំងផងដែរ។ ចំណែករមាសតំណាងឲ្យការពារពីគ្រោះថ្នាក់និងចោរ។ ប្រើប្រាស់សត្វទាំងពីរជាបន្តោងសោឡាន ឬព្យួរលើកញ្ចក់ចំហៀងរថយន្តដើម្បីជាការដាស់តឿនថាមានថាមពលកំពុងការពារអ្នក និងឡានអ្នក។