Jennifer Lopez ទិញផ្ទះថ្មីតម្លៃ ២២លានដុល្លារ មើល៍ៗអស្ចារ្យម៉េចទៅ?
- 2014-10-23 22:00:26
- ចំនួនមតិ 0 | ចំនួនចែករំលែក 0
Jennifer Lopez ទិញផ្ទះថ្មីតម្លៃ ២២លានដុល្លារ មើល៍ៗអស្ចារ្យម៉េចទៅ?
ចន្លោះមិនឃើញ
តារាចម្រៀង និងសម្ដែងអាមេរិក Jennifer Lopez បានចំណាយប្រាក់ ២២លានដុល្លារ ទិញផ្ទះដ៏ប្រណិតមួយលើដំបូលអគារ Whitman ទីក្រុងញីវយ៉ក សហរដ្ឋអាមេរិក។ នេះបើយោងតាមប្រភពជាច្រើនបានប្រាប់សារព័ត៌មាន Daily News នៅពេលថ្មីៗនេះ។
ផ្ទះថ្មីដែលមានទំហំ ៦០៧ម៉ែត្រការ៉េ នេះរួមមានបន្ទប់គេងចំនួន ៤ បន្ទប់ទឹក ៦ និងមានទីធ្លាខាងក្រៅដល់ទៅ ២៧៨ម៉ែត្រការ៉េ ដែលមានកន្លែងអង្គុយលេង ៤កន្លែងផ្សេងគ្នា។ ចំណុចពិសេសផ្សេងៗទៀតមានដូចជា ផ្ទះបាយដែលមានសម្ភារៈទំនើបៗចុងក្រោយ កន្លែងហាត់ប្រាណ ផ្ទៃបាតភាគច្រើនគឺឈើ រួមទាំងប្រព័ន្ធ Smart Home ដែលអាចឲ្យម្ចាស់ផ្ទះគ្រប់គ្រងបណ្ដាញភ្លើង តន្ត្រី និងម៉ាស៊ីនផ្សេងៗទៀត តាមរយៈ iPhone និង iPad បាន។
នៅក្បែរៗនោះគឺជាផ្ទះរបស់ជនល្បីៗមួយចំនួនទៀតដូចជា Chelsea Clinton (កូនស្រីអតីតប្រធានាធិបតីអាមេរិក Bill Clinton) និងកីឡាករប្រណាំងឡាន Jeff Cordon។
ថ្មីៗនេះដែរ តារាវ័យ ៤៥ឆ្នាំរូបនេះ កំពុងស្ថិតក្នុងការចរចាកុងត្រាថ្មីមួយ សម្រាប់ការសម្ដែងនៅទីក្រុង Las Vegas ចំនួន ២៤សប្ដាហ៍ ដែលមួយសប្ដាហ៍ ម្ចាស់បទ "I Luh Ya Papi” រូបនេះត្រូវសម្ដែង ៣លើក ហើយក្នុងការសម្ដែងមួយលើកៗនាងអាចទទួលបានប្រាក់ដល់ទៅ ៣៥ម៉ឺនដុល្លារអាមេរិក។
មើលផ្ទះថ្មីរបស់ Jennifer Lopez មើល៍ មានអ្វីអស្ចារ្យខ្លះ?
អានអត្ថបទ៖ ចូលមើលផ្ទះថ្មីតម្លៃ ២៤លានដុល្លារ របស់ Lady Gaga តើអស្ចារ្យប៉ុណ្ណាដែរ?
ប្រែសម្រួល៖ វ៉ាន់ថន ប្រភព៖ nydailynews