គួ ចាឡឺយត្រូវនារីថៃចោទថារំលោភ ក្រោយមកបកអាក្រាតរឿងលើគ្រែលើកមុន

2016-02-19 17:42:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែមករា នារីជនជាតិថៃបានចេញមកទម្លាយរឿងលើគ្រែជាមួយ Vic Chou (គួ ចាឡឺយ)។ ប៉ុន្តែពេលនេះនាងបានបង្ហាញមុខម្ដងទៀតក្នុង សន្និសីទមួយកាលពីម្សិលមិញ ដោយបានចោទថា Vic សមាជិក F4 តៃវ៉ាន់បានរំលោភនាង។

Pear

នារីថៃដែលមានឈ្មោះហៅក្រៅថា Pear បានប្រាប់ក្នុងសន្និសីទថា នាងត្រូវបានរំលោភដោយតារាតៃវ៉ាន់ខាងលើ មិនតែប៉ុណ្ណោះតារារូបនេះបានបដិសេធចំណងស្នេហ៍នេះទៀត។ Pear បានជួប Vic នៅឆ្នាំ២០០៩ ហើយពួកគេបានចាប់ផ្ដើមស្នេហ៍ក្រោយស្គាល់គ្នាមួយឆ្នាំ។

នារីរូបនេះបន្ថែមថា៖"ខ្ញុំស្គាល់ Vic តាមរយៈមិត្តភ័ក្ដិនៅតៃវ៉ាន់... ពួកយើងជួបគ្នានៅហាងមួយហើយបានដើរលេងជាមួយគ្នានិងចាប់ផ្ដើមនិយាយគ្នាលេង។ បន្ទាប់មកពួកយើងក៏ផ្ញើសារទៅវិញទៅមក។ ពួកយើងមិនសូវបានជួបគ្នាច្រើនទេ ព្រោះគេជាតារា។ ពួកយើងមិនដែលនិយាយពីទំនាក់ទំនងនេះទៅក្រៅទេ។ ពេលជួបគ្នាម្ដងៗ ពួកយើងទៅជួបនៅបន្ទប់ឯកជន"។

Reen YuនិងVic Chou

បន្ទាប់ពីនិយាយដូចនេះ អ្នកកាសែតបានសួរថា៖"ប៉ុន្តែអ្នកនាងនិយាយថា អ្នកនាងត្រូវបានគេរំលោភ?” Pear តបភ្លាមថា៖"ចាស វាពិតជាត្រឹមត្រូវណាស់។ វាកើតឡើងមួយឆ្នាំ បន្ទាប់ពីពួកយើងជួបគ្នា។ ដំបូងពួកយើងមិនសូវទុកចិត្តគ្នាទៅវិញទៅមកទេ អ្នកដឹងទេ... វាគឺតានតឹងរវាងមនុស្សប្រុសនិងស្រី។ ប៉ុន្តែបន្ទាប់ពីដើរលេងជាមួយមិត្តជាក្រុម គេ(Vic)បានផ្ដើមទំនាក់ទំនងជាមួយខ្ញុំ"។

បន្ទាប់ពីឆ្លើយសំនួរចប់ Pear ក៏ប្រាប់ពីដំណើរនៃការរំលោភ៖"គេបានដោះសានៅពេលខ្ញុំមិនព្រម។ គេបានឲ្យខ្ញុំអង្គុយនិងដេកលើគ្រែ ប៉ុន្តែខ្ញុំមិនព្រម គេក៏ចាប់ផ្ដើមឡើងលើខ្ញុំយឺតៗ"។ ក្រោយមកនាងក៏មានផ្ទៃពោះ តែសំណាងអាក្រក់កូននោះក៏រលូត ប៉ុន្តែនាងមិនបានប្រាប់ Chou ឆ្នាំនោះទេ។ រហូតដល់ខែ ធ្នូ ឆ្នាំ ២០១៥តារាវ័យ៣៤ឆ្នាំបានលេចដំណឹងលួចរៀបការជាមួយតារាសម្ដែងតៃវ៉ាន់ Reen Yu និងបដិសេធទំនាក់ទំនងជាមួយនាងទៀត។

គេក៏បានសួរថា ហេតុអ្វីបានជានាងបើកសន្និសីទលើកនេះ? នារីមកពីខេត្ត Surat Thani តបថា៖"ខ្ញុំតែឮមនុស្សជាច្រើននិយាយពីខ្ញុំ ដូច្នេះខ្ញុំចង់ផ្ដល់ចម្លើយនិងសំនួរដែលអ្នកទាំងអស់គ្នាចង់ដឹងចង់ឮ។ ខ្ញុំមានអារម្មណ៍មិនល្អ ហើយអ្វីដែលខ្ញុំឆ្លងកាត់គឺកាន់តែអាក្រក់"៕