ត្រីដូហ្វីនមួយក្បាលងាប់ ដោយសារប្រជាជននាំយកទៅលើគោក ថត Selfie
- 2016-02-19 18:18:48
- ចំនួនមតិ 0 | ចំនួនចែករំលែក 0
ត្រីដូហ្វីនមួយក្បាលងាប់ ដោយសារប្រជាជននាំយកទៅលើគោក ថត Selfie
ចន្លោះមិនឃើញ
ត្រីដូហ្វីន តូចមួយក្បាល ត្រូវបានសង្ស័យថាងាប់ដោយខ្សោះជាតិទឹក បន្ទាប់ពី វាត្រូវបាន ក្រុមអ្នកលំហែកាយនៅមាត់សមុទ្រ លើកយកទៅដង្ហែលេងនិងស្ទាបខ្លួនវា រួចទុកចោលលើឆ្នេរខ្សាច់។
តាមការចុះផ្សាយរបស់ Dailymail បានឲ្យដឹងថា ហេតុការណ៍ខាងលើបានកើតឡើងក្នុងប្រទេសអាហ្សង់ទីន។ មានក្រុមជាច្រើននាក់ បានផ្ដុំគ្នា យកត្រីដូហ្វីនប្រភេទ Franciscana ទៅថតរូប Selfie បន្ទាប់ពីរកឃើញវា នៅលើឆ្នេរសមុទ្រ នៃរមណីយដ្ឋាន Santa Teresita ភាគឦសាននៃ ខេត្ត Buenos Aires ។
ក្រោយរូបភាពខាងលើ បានបង្ហោះឡើងលើបណ្ដាញទំនាក់ទំនងសង្គម អ្នកលេងអ៊ីនធឺណិត រួមជាមួយអ្នកជំនាញសត្វព្រៃបានរិះគន់ទៅលើក្រុមអ្នកលំហែកាយនៅឆ្នេរសមុទ្រ Buenos Aires ដែលបានប៉ះពាល់ត្រីថនិកសត្វនោះ។
បញ្ជាក់ផងដែរថា ប្រភេទត្រី ដូហ្វីន Franciscana ឬ ហៅម្យ៉ាងទៀតថា ត្រី La Plata ជាប្រភេទត្រីកម្រនិងជាត្រីផ្សោតប្រភេទតូចជាងគេលើពិភពលោក។ ត្រីប្រភេទនោះនឹងអាចងាប់ភ្លាមដោយខ្សោះជាតិទឹក ដោយមិនអាចនៅលើគោកបានយូរទេ។ សព្វថ្ងៃ ពពួកត្រីដូហ្វីននោះ មានប្រហែល ៣ ម៉ឺនក្បាល ដែលគេមាននៅប្រទេសអាហ្សង់ទីន ប្រេស៊ីល និង អ៊ុយរុយហ្គាយ៕
ចុចអាន៖ ចាប់ពីខែធ្នូដល់ខែមេសានៅអន្លង់ផ្សោតទឹកសាបឈើទាលខេត្តស្ទឹងត្រែងមានភ្ញៀវទេសចរទៅលេងកម្សាន្តច្រើន
ប្រែសម្រួល៖ មាន រតនា ប្រភព៖ dailymail