អ្នកនិពន្ធបទចម្រៀងក្នុងរឿង "ស៊ុនអ៊ូខុង" ទទួលមរណៈភាព

2016-02-19 21:56:36
ចំនួនមតិ 0 | ចំនួនចែករំលែក 0

ចន្លោះមិនឃើញ

សិល្បកររៀមច្បងរបស់ចិន លោក Yan Su បានទទួលមរណៈភាពហើយនៅក្នុងអាយុ ៨៦ ឆ្នាំ។ លោកគឺជាអ្នកនិពន្ធបទ "សុំសួររកផ្លូវ" នៅក្នុងរឿង "Journey To The West” ឆ្នាំ ១៩៨៦។

បណ្ដាញព័ត៌មានកម្សាន្ត Ifeng បានចុះផ្សាយថា ព្រឹកថ្ងៃនេះ(១៩ ខែកុម្ភៈ) ថា នៅទីក្រុងប៉េកាំងប្រទេសចិន មានតារាជំនាន់មុនរួមទាំងអ្នកគាំទ្រជាច្រើនបានមកលាអ្នកនិពន្ធចម្រៀង Yan Su ជាលើកចុងក្រោយ។ លោក Yan Su ត្រូវបានប្រទេសចិនក៏ដូចជាប្រទេសជិតខាងមួយចំនួនស្រលាញ់ចូលចិត្តតាមរយៈស្នាដៃនិពន្ធបទចម្រៀង "Dare to Ask Where is the Road"នៅក្នុងរឿង "ស៊ុនអ៊ូខុង" ឆ្នាំ ១៩៨៦ របស់ខ្លួន។

កើតនៅថ្ងៃទី ៥ ខែកញ្ញាឆ្នាំ ១៩៣០ កវីចម្រៀង Yan Su ចាប់កំណើតនៅខេត្ត Hebei និងបានបញ្ចប់ការសិក្សានៅសាកលវិទ្យាល័យ Chongqing។ ការលាចាកលោករបស់លោក គឺជាការបាត់បង់ដ៏ធំធេងរបស់ប្រទេសចិនទាំងមូល។ អ្នកគាំទ្ររបស់រឿង "Journey To The West” បានឲ្យដឹងថា បើទោះបីជាលោកមិនមានមុខនៅលើលោកនេះទៀតក៏ដោយ តែរូបភាពក៏ដូចជាស្នាដៃរបស់លោកនឹងស្ថិតនៅក្នុងចិត្តរបស់ពួកគេជានិច្ច៕