រៀនសំគាល់ឡានដែលកែចម្ងាយកុងទ័រ ដើម្បីកុំឲ្យចាញ់បោកអ្នកលក់
- 2016-02-26 13:15:25
- ចំនួនមតិ 0 | ចំនួនចែករំលែក 0
រៀនសំគាល់ឡានដែលកែចម្ងាយកុងទ័រ ដើម្បីកុំឲ្យចាញ់បោកអ្នកលក់
ចន្លោះមិនឃើញ
បច្ចុប្បន្ននេះមានឈ្មួញខិលខូចមួយចំនួនតូចបានប្រើប្រាស់វិធីសាស្ត្រកែចម្ងាយកុងទ័ររថយន្តដែលប្រើរួចពីទាបមកខ្ពស់ ដើម្បីឲ្យមើលទៅដូចជារថយន្តថ្មីនិងលក់បានតម្លៃថ្លៃ។ យ៉ាងណាក្ដីការក្លែងបន្លំនេះមានវិធីសម្គាល់ដើម្បីអាចមើលដឹង។
-រថយន្តមួយជាមធ្យមបើកបរចម្ងាយ ១២០០០ម៉ាយក្នុងមួយឆ្នាំ។ ឧទាហរណ៍រថយន្តដែលអ្នកប្រុងទិញមានអាយុកាល ៥ ឆ្នាំប៉ុន្តែកុងទ័របង្ហាញរយៈចម្ងាយដែលទាបជាង៦ម៉ឺនម៉ាយ នេះជាសញ្ញាបង្ហាញថាកុងទ័រត្រូវបានកែ។
-សួររកប័ណ្ណប្ដូរប្រេងម៉ាស៊ីន៖ ជាធម្មតាប័ណ្ណប្ដូរប្រេងម៉ាស៊ីនតែងមានសរសេរថាប្រេងម៉ាស៊ីនបានប្ដូរនៅពេលកុងទ័រមានរយៈចម្ងាយប៉ុន្មាន។ ក្រោយពីបានប័ណ្ណហើយ ប្រៀបចម្ងាយលើប័ណ្ណជាមួយចម្ងាយលើកុងទ័រឡាន។
-ពិនិត្យមើលថាម្ដុំទីតាំងតាប្លូរថយន្តមានបាត់ខ្ចៅអ្វីមួយដែរឬក៏អត់។
-ពិនិត្យមើលសភាពឈ្នាន់ហ្វ្រំាង និងកម្រាលព្រំ ប្រសិនបើវាមានសភាពចាស់ខ្លាំងប៉ុន្តែកុងទ័របង្ហាញចម្ងាយទាប នោះអាចជាសញ្ញាកុងទ័រចម្ងាយត្រូវបានបង្វិលថយក្រោយ។
-ជាធម្មតាសម្បកកង់រថយន្ត Original មានសុពលភាពប្រើប្រាស់បានចម្ងាយ៦ម៉ឺនម៉ាយ ដូចនេះប្រៀបធៀបសភាពសម្បកកង់ និងចម្ងាយកុងទ័រថាតើស៊ីមេទ្រីគ្នាឬទេ៕
ចុចអាន៖ មិនចង់ឲ្យចុកខ្នងពេលបើកឡានយូរសាកល្បងវិធីទាំងនេះ
ប្រែសម្រួល៖ ហៃ សុខហេង ប្រភព៖ ABCNews, CarFax, WikiHow
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
