Lamborghini ស៊េរីថ្មីតម្លៃជាង២លានដុល្លារ មានតែ៤០គ្រឿង ឥឡូវនេះលក់អស់ខ្ទេច

2016-03-02 20:15:56
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Lamborghini ម៉ូដែល Centenario ស៊េរីថ្មីទើបបានបង្ហាញខ្លួនជាផ្លូវការក្នុងកម្មវិធីតាំងបង្ហាញរថយន្តកាលពីម្សិលមិញ ដោយមានផលិតតែ៤០គ្រឿងប៉ុណ្ណោះ។ តម្លៃរបស់រថយន្តនេះមួយគ្រឿងប្រមាណ ១,៩លានដុល្លារ ហើយអ្វីដែលគួរឲ្យភ្ញាក់ផ្អើលគឺថាពេលនេះរថយន្តទាំង៤០គ្រឿងគឺសុទ្ធតែមានម្ចាស់រួចអស់ហើយ។

បើតាមការពន្យល់របស់ក្រុមហ៊ុន Lamborghini បានឲ្យដឹងថាម៉ូដែល Centenario នេះមានបំពាក់ម៉ាស៊ីន V ចំនួន ១២ ដែលអាចបង្កើតកម្លាំងបាន ៧៧០សេះ។ ជាមួយកម្លាំងដ៏ខ្លាំងនេះវាអាចបង្កើនសន្ទុះពី ០ទៅ១០០គ.ម/ម៉ ត្រឹម២,៨វិនាទី និងពី ០ទៅ៣០០គ.ម/ម៉ ត្រឹម២៣,៥វិនាទីប៉ុណ្ណោះ ដែលល្បឿនអតិបរមាមានដល់ ៣៥០គ.ម/ម៉។

រថយន្តនេះមានប្រព័ន្ធហ្វ្រាំងដ៏អស្ចារ្យដែលអាចបន្ថយល្បឿនពី ១០០គ.ម/ម៉ មកឲ្យនៅនឹងថ្កល់បានក្នុងចម្ងាយតែ៣០ម៉ែត្រប៉ុណ្ណោះ។ និយាយពីទម្ងន់របស់រថយន្តមិនជាធ្ងន់ប៉ុន្មានឡើយគឺត្រឹម ១៥២០គ.ក នេះក៏ដោយសារតួខ្លួនរបស់វាផលិតឡើងពីសារធាតុកាបូនហ្វាយប័រ។

ត្បិតថារថយន្តទាំង៤០គ្រឿងនេះមានម្ចាស់រួចរាល់មែនពិត ប៉ុន្តែបច្ចុប្បន្នគេនៅដាក់តាំងបង្ហាញវាក្នុងកម្មវិធីតាំងបង្ហាញរថយន្ត Geneva Auto Show ដែលប្រព្រឹត្តទៅនាប្រទេសស៊ុយអែតនៅឡើយ៕

ចុចអាន៖ វត្តមានជាផ្លូវការនៃ Bugatti Chiron តម្លៃជាង ២លានដុល្លារ

ប្រែសម្រួល៖ ហៃ សុខហេង ប្រភព៖ TechnoBuffalo