អង្គការសហប្រជាជាតិ ព្រមដាក់ទណ្ឌកម្មធ្ងន់ធ្ងរបំផុតលើកូរ៉េខាងជើង ២០ឆ្នាំ
- 2016-03-03 19:00:28
- ចំនួនមតិ 0 | ចំនួនចែករំលែក 0
អង្គការសហប្រជាជាតិ ព្រមដាក់ទណ្ឌកម្មធ្ងន់ធ្ងរបំផុតលើកូរ៉េខាងជើង ២០ឆ្នាំ
ចន្លោះមិនឃើញ
ក្រុមប្រឹក្សាសន្តិសុខអង្គការសហប្រជាជាតិ បានយល់ព្រមជាឯកច្ឆន្ទ ដាក់ទណ្ឌកម្មធ្ងន់ធ្ងរបំផុតលើប្រទេសកូរ៉េខាងជើង រយៈពេល ២០ឆ្នាំ នៅថ្ងៃទី ២មិនា ឆ្នាំ ២០១៦ ជាការឆ្លើយតបនឹងភាពគឃ្លើនរបស់ក្រុងព្យុងយ៉ាង ដែលហ៊ានសាកល្បងបាញ់អាវុធនុយក្លេអ៊ែរ និងរ៉ុកកែតបន្តបន្ទាប់។ សកម្មភាពទាក់ទងនឹងនុយក្លេអ៊ែរទាំងនេះ ត្រូវបានអង្គការសហប្រជាជាតិ ឬ UN ហាមដាច់ខាត។
សហរដ្ឋអាមេរិក និងសម្ព័ន្ធមិត្តរបស់កូរ៉េខាងជើង គឺប្រទេសចិន បានចំណាយពេលវេលាចរចាគ្នា ៧សប្ដាហ៍ ចំពោះទណ្ឌកម្មថ្មីនេះ។ ទណ្ឌកម្មដ៏តឹងរឹងថ្មីខាងលើ រួមមាន ការត្រួតពិនិត្យជាចាំបាច់ចំពោះ ទំនិញចេញចូលប្រទេសកូរ៉េខាងជើង តាមផ្លូវសមុទ្រ ឬផ្លូវអាកាស។ ហាមប្រាណការលក់ ឬផ្ទេរ ប្រដាប់អាវុធធន់តូច និងធន់ស្រាលទៅកាន់ក្រុងព្យុងយ៉ាង, ដកចេញមន្ត្រីទូតកូរ៉េខាងជើងទាំងឡាយណា ដែលពាក់ព័ន្ធនឹងសកម្មភាពខុសច្បាប់នានា។
នៅមុន UN ដាក់ទណ្ឌកម្មថ្មីនេះ សហរដ្ឋអាមេរិក ជប៉ុន និងសម្ព័ន្ធមិត្តបណ្ដាប្រទេសលោកខាងលិចជាច្រើនទៀត ក៏បានដាក់ទណ្ឌកម្មថ្មីដែរ ក្រោយការបាញ់សាកល្បងនុយក្លេអ៊ែរចុងក្រោយ ប៉ុន្តែចិនជាសម្ព័ន្ធមិត្តចាក់ទឹកមិនលិច និងជាប្រទេសភូមិផងរបងជាមួយកូរ៉េខាងជើង នៅស្ទាក់ស្ទើរចំពោះវិធានការណាមួយ ព្រោះវាអាចគំរាមដល់ស្ថេរភាពប្រទេសកូរ៉េខាងជើង និងធ្វើឲ្យសេដ្ឋកិច្ចដួលរលំ៕
ឯកអគ្គរដ្ឋទូតចិនលោក Liu Jieyi និយាយជាមួយឯកអគ្គរដ្ឋទូតអាមេរិកអ្នកស្រី Samantha Power មុនចូលប្រជុំ
ចុចអាន៖ កូរ៉េខាងជើង ប្រកាស សាកគ្រាប់បែក អ៊ីដ្រូហ្សែនបានជោគជ័យ ក្រោយរញ្ជួយដី
ចុចអាន៖ កូរ៉េខាងជើង ដំណើរការអាវុធនុយក្លេអ៊ែរឡើងវិញ អាចប៉ះអាមេរិកពេលណាក៏បាន
ចុចអាន៖ ធនាគារចិន សម្រេចផ្អឹបគណនីធនាគារពលរដ្ឋកូរ៉េខាងជើងទាំងអស់
ប្រែសម្រួល៖ ឡេង ភារុណ ប្រភព៖ The Washington Post