វិបសាយអាសអាភាសទម្លាយថា Justin Bieberគឺជាអតិថិជនពិសេសរបស់ពួកគេ

2016-03-03 20:43:32
ចំនួនមតិ 0 | ចំនួនចែករំលែក 0

ចន្លោះមិនឃើញ

សារជូនពរខួបកំណើតរបស់គេហទំព័ររឿងអាសអាភាសបានទម្លាយអាថ៌កំបាំងដ៏រសើបរបស់តារាចម្រៀងកាណាដា Justin Bieber ដោយចៃដន្យ។

កាលពីថ្ងៃទី ១ខែមីនាមុននេះគឺជាថ្ងៃខួបកំណើតលើកទី ២២របស់តារាចម្រៀងវ័យក្មេង Justin Bieber។ ដើម្បីអបអរថ្ងៃពិសេសរបស់ខ្លួន ម្ចាស់បទ "Love Yourself” បានទៅជិះស្គីទឹកកកលេងនៅរមណីយដ្ឋាន Big Bear នៅរដ្ឋ California។ នៅក្នុងឱកាសនេះដែរក៏មានមនុស្សជាច្រើនដែលបានចូលរួមផ្ញើពាក្យជូនពរទៅកាន់តារាចម្រៀងរូបនេះ។ យ៉ាងណាក៏ដោយ សារជូនពរដែលធ្វើឲ្យគេចាប់អារម្មណ៍ខ្លាំងជាងគេគឺសារដែលបានផ្ញើមកពីវិបសាយរឿងស្រើបស្រាលដ៏ល្បីឈ្មោះមួយ។

អ្វីដែលធ្វើឲ្យគេចាប់អារម្មណ៍នោះគឺ ភ្ជាប់ជាមួយសាររបស់ខ្លួន វិបសាយនេះក៏ចៃដន្យទម្លាយថា Justin Bieber មិនត្រឹមតែឧស្សាហ៍ចូលមើលរឿងក្នុងគេហទំព័ររបស់ពួកគេនោះទេ អតីតមិត្តប្រុសរបស់ Selena Gomez ក៏ជាអតិថិជនពិសេសរបស់ពួកផងដែរ។ គេហទំព័រទំព័រមួយនេះក៏សង្ឃឹមថា Justin នឹងបន្តជាសមាជិករបស់ពួកគេតទៅទៀត។ មិនបញ្ឈប់ត្រឹមនោះ គេហទំព័រដដែលក៏បានធ្លោយបង្ហើបពីចំណង់ចំណូលចិត្តរបស់តារាកើតឆ្នាំ ១៩៩៤ ផងដែរដោយពួកគេបានប្រាប់ថានៅពេលមើលរឿងលើគ្រែ Justin Bieber ចូលចិត្តមើលស្រីៗជនជាតិឡាទីន៕

ចុចអាន៖លី លានជា ដកខ្លួនពីហូលីវូដបណ្ដោះអាសន្ន ព្រោះសុខភាពកាន់តែខ្សោយ

ប្រែសម្រួល៖ សុវណ្ណផៃ ប្រភព៖realcoolvideos