Flare ភ្លើងបំភ្លឺផ្លូវសម្រាប់កង់ច្បាស់មើលឃើញ ៣៦០ ដឺក្រេ

2014-10-24 17:20:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្លើងបំភ្លឺផ្លូវសម្រាប់អ្នកជិះកង់គឺមានច្រើនបែបច្រើនសណ្ឋាន តែមិនទាន់មានភ្លើងបំភ្លឺផ្លូវណាដែលមានសមត្ថភាពខ្លាំងអាចឲ្យគេមើលឃើញ ៣៦០ ដឺក្រេនោះទេ។ ដូច្នេះហើយទើបក្រុមហ៊ុន Orfos អភិវឌ្ឍភ្លើងបំភ្លឺផ្លូវថ្មីឈ្មោះថា Flare ដែលអាចមើលឃើញពីគ្រប់ជ្រុង។

ខណៈដែលភ្លើងបំភ្លឺផ្លូវជាច្រើនផលិតឡើងសម្រាប់បំភ្លឺផ្លូវតែម៉្យាង Flare គឺអាចបំភ្លឺផ្លូវផង និងបង្ហាញឲ្យអ្នកដទៃមើលឃើញអ្នកជិះកង់ផងដើម្បីបញ្ចៀសគ្រោះថ្នាក់ជាយថាហេតុ។ វាត្រូវបានបង្កប់ភ្លើង LED សមត្ថភាពខ្ពស់ និងបច្ចេកវិទ្យាអេឡិចត្រូនិកមួយចំនួនទៀតពីខាងក្នុងធ្វើឲ្យវាភ្លឺខ្លាំងខុសពីភ្លើងបំភ្លឺធម្មតា។

Flare ជាអំពូលមិនជ្រាបទឹកដែលអាចប្រឈមនឹងទឹកជម្រៅ ១៥ ម៉ែត្រ រយៈពេលមួយម៉ោងបាន។ វាប្រើថាមពលពីថ្មលុយទីនៀមដែលអាចប្រើបានដល់ ២៤ ម៉ោងដោយចំណាយពេលសាកត្រឹម ៩០ នាទី។ ទោះជាយ៉ាងណា ការប្រើប្រាស់ជាក់ស្ដែងអាចមានការប្រែប្រួលព្រោះវាមាន ៣ mode សម្រាប់ជ្រើសរើសគឺ ភ្លឺខ្លាំង ធម្មតា និងតិច។ អ្នកអាចជ្រើសរើសជម្រើសពីរគឺទិញភ្លើងបំភ្លឺពីមុខ ឬពីក្រោយតែមួយ ឬមួយឈុតតែម្ដង។

ពេលនេះក្រុមហ៊ុនខាងលើកំពុងប្រមូលលុយនៅលើគេហទំព័រ Kickstarter ដើម្បីផលិតឲ្យចេញជាផលិតផលសម្រេច។ វាត្រូវគេរំពឹងថា នឹងលក់រាយក្នុងតម្លៃ ១៤០ ដុល្លារ សម្រាប់ភ្លើងបំភ្លឺខាងមុខ ឬខាងក្រោយតែមួយ ឬ ២៧០ ដុល្លារសម្រាប់មួយឈុត។

សូមមើលវីដេអូ៖

អាន៖ប្រយ័ត្ន! Andriod ឥឡូវជាមុខសញ្ញាសំខាន់សម្រាប់ Hacker ក្នុងការលួចប្រាក់

ប្រែសម្រួល៖ សីហា

ប្រភព៖ gizmag