តារា​សម្ដែង​ស្រី​ស្រស់​ស្អាត Fan Bing Bing បាន​ក្លាយ​ជា​ទី​ចាប់​អារម្មណ៍​របស់​អ្នក​គ្រប់​គ្នា​ពេល​នាង​ចូល​រួម​ក្នុង​កម្មវិធី​នា​ពេល​ថ្មី​ៗ​នេះ។

ព្រឹក​ថ្ងៃ​ទី ៧​ខែ​មីនា តារា​សម្ដែង​ចិន Fan Bing Bing បាន​ទទួល​ពាក្យ​អញ្ជើញ​ចូល​រួម​ក្នុង​កម្មវិធី​សម្ពោធ​អចលនទ្រព្យ​មួយ​នៅ​ទីក្រុង Shenzhen ត  ប្រទេស​ចិន។ មកដល់​កន្លែង​ប្រារព្ធ​កម្មវិធី​ភ្លាម​​តារា​អាយុ ៣៥ ឆ្នាំ​បាន​ធ្វើ​ឲ្យ​គេ​ចាប់​អារម្មណ៍​ខ្លាំង​ដោយ​​មាន​ក្រុម​សន្តិសុខ​ដើរ​អម​ការពារ​យ៉ាង​ច្រើន​សន្ធឹក​សន្ធាប់។

ចូល​រួម​ក្នុង​កម្មវិធី​នេះ Fan Bing Bing បាន​ស្លៀក​រ៉ូប​ពណ៌​ក្រហម​​ស្រស់​និង​លំអ​ទៅ​ដោយ​ផ្កា​ពណ៌​ស​បង្អួត​ជើង​ស្រឡូន​ស​ខ្ចី​ដូច​ពង​មាន់​បក​។ តារា​កើត​ឆ្នាំ ១៩៨១ រួសរាយ​រាក់​ទាក់​និយាយ​លេង​សើច​ទៅ​កាន់​អ្នក​កាសែត​និង​អ្នក​គាំទ្រ​ដែល​មាន​មុខ​នៅ​ទី​នេះ។

QQ បាន​រាយការណ៍​ថា ដោយ​បាន​ដឹង​មុន​ថា​តួ​រឿង "The Empress of China” នឹង​មាន​វត្តមាន​នៅ​ខេត្ត​របស់​ខ្លួន ប្រជាជន​ខេត្ត Shenzhen បាន​ងើប​ពី​ព្រលឹម​ដើម្បី​ចាំ​មើល​ការ​មក​ដល់​របស់​ស្រី​ស្អាត​របស់​ត្រកូល Fan៕

ចុចអាន៖តើ​បង​ស្រី​ចិត្ត​ពិសពុល​​របស់ អ៊ូ ​ម៉ីនាង​ក្នុង “The Empress of China” ជា​អ្នកណា?

ប្រែ​សម្រួល៖ សុវណ្ណផៃ ប្រភព៖kenh14