ពិតឬ Justin Bieber កំពុងមានកូនជាមួយ Kourtney Kardashian?

2016-03-11 13:15:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Kourtney Kardashian វ័យ៣៦ដែលបងស្រីរបស់តារាម៉ូដែល Kim Kardashian ត្រូវបានទស្សនាវដ្ដី Life & Style ទម្លាយថាកំពុងមានផ្ទៃពោះជាមួយតារាចម្រៀងវ័យក្មេង Justin Bieber ។

កាលពីខែ ធ្នូ ឆ្នាំមុនតារាខុសវ័យទាំងពីរបានមានទំនាក់ទំនងរយៈពេលខ្លីជាមួយគ្នាទោះមានអាយុខុសគ្នាដល់ទៅ១៤ឆ្នាំក៏ដោយ។ Kourtney បានបង្ហើបប្រាប់ទៅមិត្តភ័ក្ដិថា នាងនិង Justin ធ្លាប់ស្និទ្ធស្នាលនឹងគ្នា ហើយនាងបានបញ្ចប់ទំនាក់ទំនងជាមួយអតីតមិត្តប្រុស Scott ជាយូរមកហើយ ដូច្នេះគ្មានអ្វីត្រូវឆ្ងល់ទៀតទេ។ វាគួរតែបន្តជាមួយបង Bieber។ នេះតាមប្រភពប្រាប់ទស្សនាវដ្ដីខាងលើ។

ប្រភពបន្ថែមថា ម្ចាស់បទ "Sorry” ចង់ក្លាយជាឪពុកគេ ហើយគេក៏បានប្រាប់មិត្តភ័ក្ដិថា Kardashians បានក្លាយជាគ្រួសារគេទៅហើយ។ Kourtneyធ្លាប់បាននិយាយថា "ការឡើងគ្រែជាមួយ Bieber គឺធ្វើឲ្យអារម្មណ៍របស់នាងវិលរកភាពកាលនៅយុវវ័យម្ដងទៀត។ អ្នកទាំងពីរក៏ត្រូវគេរាយការណ៍ថា បានចូលវិហារជាមួយគ្នាទៀតផង។

ក្រោយលេចព័ត៌មាន អតីតមិត្តស្រីរបស់ Justin Bieberគឺ Selena Gomez បានបង្ហាញការមិនពេញចិត្តចំពោះព័ត៌មានមានផ្ទៃពោះនេះ ដោយនាងគិតថាវាពិតជា "ឆ្កួត" ។ តារាវ័យ២៣ឆ្នាំបានប្រាប់ថា៖"ខ្ញុំមិនគិតថាវាជារឿងពិតទេ ប៉ុន្តែខ្ញុំក៏មិនចង់គិតនិងនិយាយពីវាឡើយ។ យ៉ាងណាក្ដី គេហទំព័រ Gossip Cop បានរាយការណ៍ថារឿង Kourtney Kardashian មានទម្ងន់ជាការកុហក ព្រោះពួកគេបានសម្ភាសន៍ផ្ដាច់មុខជាមួយតារាស្រីរូបនេះ ដោយនាងបានបដិសេធរឿងនេះទាំងស្រុង៕