Fan BingBingនិងSelena Gomez បង្អួតសម្រស់ក្នុងកម្មវិធីបង្ហាញម៉ូដតែមួយ

2016-03-11 18:40:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចសព្វមួយដង កំពូលតារាសម្ដែងចិន Fan BingBing តែងតែទទួលបានការចាប់អារម្មណ៍ខ្លាំងនៅក្នុងកម្មវិធីបង្ហាញម៉ូដ Paris Fashion Week។

វាបានក្លាយជាទម្លាប់ទៅហើយដែល តារាស្រីចិនល្បីឈ្មោះ Fan BingBing តែងតែជាភ្ញៀវកិត្តិយសនៅលើកៅអីជួរមុខនៅរាល់កម្មវិធីបង្ហាញម៉ូដរបស់ម៉ាកសំលៀកបំពាក់ Louis Vuitton។ នៅក្នុងការបង្ហាញម៉ូដសម្រាប់រដូវស្លឹកឈើជ្រុះនិងរងាឆ្នាំ ២០១៦របស់យីហោនេះក៏មិនខុសពីសព្វមួយដងឡើយ។ ស្រីស្អាតអាយុ ៣៤ឆ្នាំបានមានវត្តមាននៅទីក្រុងប៉ារីសប្រទេសបារាំង កាលពីថ្ងៃទី៩ ខែមីនា ដើម្បីចូលរួមក្នុងកម្មវិធីរបស់ម៉ាកសំលៀកបំពាក់ដែលជានាងធ្វើការជាមួយរាប់ឆ្នាំមកហើយ។

ចូលរួមក្នុងកម្មវិធីលើកនេះ ក្រៅពី Fan BingBing ក៏មានតារាជួរមុខនៅលើពិភពលោកជាច្រើនទៀតដែរ ក្នុងនោះរួមមានតារាចម្រៀងល្បីឈ្មោះ Selena Gomez ម្ចាស់ពានរង្វាន់ Oscar Alicia Vikander និងJaden Smithជាដើម។ អ្វីដែលរឹតតែគួរឲ្យចាប់អារម្មណ៍នោះគឺ Selana Gomez, Fan Bing Bing និងកំពូលតារាបង្ហាញម៉ូដ Liu Wen បានជ្រើសពាក់ស្បែកជើងកែងស្បែកពស់របស់ Louis Vuitton ដើម្បីចូលមើលកម្មវិធីនេះដូចគ្នា។