មូលហេតុបួនធ្វើឲ្យប្រអប់លេខឡានឆាប់ខូច

2016-03-15 13:15:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រអប់លេខជាផ្នែកដ៏សំខាន់មួយក្នុងចំណោមផ្នែកដទៃទៀតនៃរថយន្ត ដែលអាចជួយបញ្ជាឲ្យរថយន្តមានចលនាទៅមុខ ឬថយក្រោយបាន ហេតុនេះត្រូវចេះថែរក្សាវាឲ្យបានល្អ។ ខាងក្រោមបង្ហាញពីដើមហេតុបួននាំឲ្យប្រអប់លេខឆាប់មានបញ្ហា៖

១. មិនខ្វាយខ្វល់នឹងបរិមាណប្រេងប្រអប់លេខ៖

ប្រអប់លេខដែលគ្មានប្រេង ឬដំណើរការដោយមានកម្រិតប្រេងទាប ជាមូលហេតុមួយបណ្ដាលឲ្យប្រអប់លេខមានបញ្ហា។ ប្រេងប្រអប់លេខមានតួនាទីរក្សាគ្រឿងបន្លាស់ផ្នែកខាងក្នុងរបស់ប្រអប់លេខឲ្យនៅត្រជាក់ និងមានភាពរអិល។ ដូចនេះពេលដែលប្រេងអស់ ឬស្ថិតនៅកម្រិតទាប ផ្នែកខាងក្នុងនៃប្រអប់លេខបង្កើតជាការកកិត និងឆាប់ឡើងកម្ដៅ ដែលធ្វើឲ្យខូចខាត។

២. មិនដែលប្ដូរប្រេងប្រអប់លេខ៖

ប្រេងប្រអប់លេខប្រៀបដូចជាប្រេងម៉ាស៊ីនរថយន្តយ៉ាងអ៊ីចឹង វាអាចប្រែជាកខ្វក់និងតម្រូវឲ្យប្ដូរចេញទៅតាមពេលកំណត់របស់វា។ ការដែលមិនប្ដូរប្រេងប្រអប់លេខជាហេតុបង្កឲ្យប្រអប់លេខមានបញ្ហា។

៣. ប្រើប្រាស់ប្រេងប្រអប់លេខខុស៖

រថយន្តប្រអប់លេខអូតូ និងប្រអប់លេខដៃ ប្រើប្រាស់ប្រេងប្រអប់លេខប្រភេទខុសគ្នា ហើយប្រេងទាំងនៃប្រអប់លេខទាំងពីរប្រភេទនេះមិនអាចលាយបញ្ចូលគ្នាបាននោះទេ។

៤. ចតរថយន្តដោយប្រើលេខ P តែមិនបានប្រើហ្វ្រាំងដៃ៖ ការធ្វើបែបនេះហាក់ដូចជាផ្ដល់សំពាធទាំងមូលទៅឲ្យប្រព័ន្ធប្រអប់លេខ ដែលក្នុងប្រព័ន្ធប្រអប់លេខនេះមានតែម្ជុលតូចមួយប៉ុណ្ណោះសម្រាប់ទប់៕

ចុចអាន៖ ទម្លាប់អាក្រក់៦យ៉ាងរបស់អ្នកបើកបរ ធ្វើឲ្យឡានខូចដោយមិនដឹងខ្លួន

ប្រែសម្រួល៖ ហៃ សុខហេង ប្រភព៖ MisterTransmission