Pakorn តួរឿង "ក្រមុំស្រស់លង់កំលោះខ្ទើយ" ជាតារាចិត្តសប្បុរសម្នាក់

2016-03-15 22:24:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តមួយចំនួនប្រហែលជាស្គាល់ Pakorn Chatborirak តារាសម្ដែងជួរមុខប្រចាំប្រទេសថៃនិងជាតួឯកក្នុងរឿង "Keaw Ta Warn Jai” ឬ "ក្រមុំស្រស់លង់កំលោះខ្ទើយ" ដែលកំពុងបញ្ចាំងលើកញ្ចក់ទូរទស្សន៍ក្នុងប្រទេសកម្ពុជា។ បច្ចុប្បន្នតារាសម្ដែងនិងម៉ូដែលរូបនេះមានវ័យ៣១ឆ្នាំ ហើយរឿងភាគនិងភាពយន្តដែលគេសម្ដែងក៏មិនចេះតិចដែរ។ ប៉ុន្តែប្រិយមិត្តប្រហែលជាមិនដឹងទេ ថា Pakorn ជាតារាម្នាក់ដែលចូលចិត្តការងារសង្គមសប្បុរសធម៌។

ក្នុងឆ្នាំ២០១១ តារាដែលមានឈ្មោះហៅ Boy បានក្លាយជាអ្នកតំណាងឲ្យការងារជាច្រើនដូចជាគម្រោងចែកថ្នាំជូនជនរងគ្រោះដោយមហន្តរាយដែលគេឲ្យឈ្មោះថា "CSR for GSK medicines to public bank project" និង "good pharmacy and access", ការសប្បុរស "Handsome request for Goodness in Year 4", ទស្សនកិច្ចសាលាប៉ូលិសល្បាតនៅព្រំដែន និងអង្គការ Kanchanaburi ដែលរៀបចំដោយទស្សនាវដ្ដី Sudsapda ។

លើសពីនេះទៅទៀតអំឡុងឆ្នាំ២០១២ តារាកើតក្នុងទីក្រុងបាងកកនេះបានច្នៃនិងលក់អាវយឺតកម្មវិធីសប្បុរសធម៌ "Cigna CSR T–Shirt Selling" ដើម្បីយកលុយជួយសង់ផ្ទះឲ្យអ្នកក្រីក្រ។ គេក៏ធ្លាប់ធ្វើជាអ្នកស្ម័គ្រចិត្តជួយចុះសាងសង់ផ្ទះឲ្យប្រជាជនក្រោមគម្រោងក្រុមហ៊ុនធានារ៉ាប់រង “Cigna Insurance”កាលពីថ្ងៃទី ២២ ខែ កក្កដា ឆ្នាំ២០១២។

ជាថ្មីម្ដងទៀត ក្នុងកម្មវិធីសប្បុរស "Handsome request for Goodness" ឆ្នាំទី៥ Pakornក៏បានចូលរួមម្ដងទៀត និងទៅទស្សនកិច្ចព្រៃឈើនិងដំរីនៅឧទ្យានជាតិ Kui Buri National Park ដែលរៀបចំដោយទស្សនាវដ្ដី Sudsapda ។ ថ្ងៃទី ២៥ ខែ កញ្ញា ឆ្នាំ២០១២ដដែល គេបានក្លាយជាអ្នកតំណាងការប្រគំតន្ត្រី "Love the fun Growing Green, Green Teens Concert" ក្នុងការដាំដើមឈើនៅឆ្នេរ Hua-Hin ខេត្ត Prachuap Khiri Khan ៕