Angelina Jolie សុខចិត្តដើរកាត់ខ្យល់កាត់ភ្លៀងធំ ដើម្បីជួបជនភៀសខ្លួនស៊ីរី

2016-03-16 14:42:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងជាបេសកជនពិសេសសម្រាប់ទីភ្នាក់ងារជនភៀសខ្លួនរបស់អង្គការ U.N. Angelina Jolie បានបង្ហាញភាពក្លាហានកាត់ខ្យល់ភ្លៀងធំ ដើម្បីទៅមើលជំរុំនៅទៅក្រុង Zahleh ប្រទេសលីបង់ ដែលជាទីកន្លែងប្រជាជនស៊ីរីភៀសខ្លួនរាប់ពាន់អ្នកកំពុងរស់នៅ។

និយាយក្នុងជំរុំនៃជនភៀសខ្លួនក្នុងប្រទេសលីបង់កាលពីថ្ងៃអង្គារ តារាស្រីវ័យ៤០ឆ្នាំបានលើកឡើងថា វាគឺជាការទទួលខុសត្រូវនៃសហគមន៍អន្តរជាតិដើម្បីរកដើម្បីដោះស្រាយមូលហេតុនៃវិបត្តិជនភៀសខ្លួននិងសង្គ្រាមនៅភូមិភាគកណ្ដាល។

ភរិយារបស់ Brad Pitt បានបន្តថា៖"ពូកយើងមិនអាចបង្គាប់ឲ្យពិភពលោកជួយអ្នកតាមរយៈការផ្ដល់ជំនួយសង្គ្រោះបន្ទាន់តាមការទូតនិងដោះស្រាយបញ្ហានយោបាយក្នុងប្រទេសរបស់អ្នកបានទេ។ ខ្ញុំសង្ឃឹមថាអាចទៅដល់ប្រទេសស៊ីរីនឹងអាចជួយជនរងគ្រោះទាំងអស់អាចត្រលប់ទៅផ្ទះវិញនៅថ្ងៃខួបទី៥នៃការងើបប្រឆាំងនឹងលោកប្រធានាធិបតី Bashar Assad។ វាពិតជាសោកនាដកម្មនិងគួរឲ្យអាម៉ាស់ ដែលពួកយើងហាក់នៅឆ្ងាយដែលមិនទាន់អាចជួយស៊ីរីមានសន្តិភាព"។

បច្ចុប្បន្ន ប្រទេសលីបង់មានប្រជាជនស៊ីរីរត់គេចខ្លួនដោយសារសង្គ្រាមជាង១លាននាក់ ជាមួយនឹងចំនួនគឺវាស្មើជិត៥%នៃចំនួនប្រជាជនប្រទេសនេះ៕