Zayn Malik ប្រាប់ហេតុផលហួសចិត្តមួយទៀតដែលនាំឲ្យគេចេញពី One Direction

2016-03-22 22:02:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Zayn Malik ដែលបានចាកចេញពីក្រុមចម្រៀងOne Directionកាលពីឆ្នាំ២០១៥ បានបង្ហើបទៅទស្សនាវដ្ដី Complex ពីច្បាប់ដ៏តឹងរ៉ឹងមួយចំនួនក្នុងក្រុម ដោយគេមិនឲ្យទុកពុកមាត់និងលាបសក់ហើយវាក៏ជាហេតុផលមួយដែលរូបគេសម្រេចចិត្តចាកចេញផងដែរ។

តារាចម្រៀងវ័យ២៣ឆ្នាំបានបន្ថែមថា គេត្រូវប្រឈមមុខនឹងការរឹតបន្តឹង ពេលដែលគេស្ថិតក្នុងក្រុម One Direction ជាមួយអតីតមិត្តរួមក្រុម Liam Payne, Louis Tomlinson, Harry Styles និងNiall Horan ដែលលើសពីអ្វីដែលពួកគេចង់បាន។

ម្ចាស់បទ "'Pillow Talk" និយាយតថា៖"ជាពិសេសពុកចង្កា។ ខ្ញុំត្រូវគេហាមឃាត់មិនឲ្យទុកវាទេ។ ប៉ុន្តែពេលដែលខ្ញុំធំ ខ្ញុំបានប្រឆាំងនឹងច្បាប់នេះ ហើយសម្រេចចិត្តមិនខ្វល់ពីនរណា។ ខ្ញុំពិតជាចង់ទុកពុកចង្កានិងលាបសក់ពេលដែលនៅក្នុងក្រុម។

Zayn ក៏បានប្រាប់ហេតុផលសំខាន់ជាងគេដែលនាំឲ្យមានការចាកចេញថា៖"អ្វីគ្រប់យ៉ាងហាក់ដូចជានៅក្រោមគេជានិច្ច។ គេតែមិនបង្ហាញអំពីសមត្ថភាពពិតរបស់ខ្ញុំ តើខ្ញុំរីករាយនឹងចម្រៀងបែបណា? ទាំងនេះសុទ្ធតែបញ្ហាពេលនៅ One Direction ហើយវាគឺជារឿងមួយដែលមិនអាចនាំឲ្យខ្ញុំល្បី ដូច្នេះខ្ញុំក៏បានដើរចេញ"។ ប៉ុន្តែ Zayn ក៏និយាយទទូចពីការចេញដែរថា វាមិនមានន័យថាគេរមិលគុណសម្រាប់អ្វីគ្រប់យ៉ាង ចំពោះក្រុមដែលជួយគេល្បីនោះទេ៕