ក្តៅៗ! ព្រលានយន្តហោះប្រទេសបែលហ្ស៊ិករងការបំផ្ទុះគ្រាប់បែក ស្លាប់និងរបួសមនុស្សច្រើននាក់
- 2016-03-22 21:58:15
- ចំនួនមតិ 0 | ចំនួនចែករំលែក 0
ក្តៅៗ! ព្រលានយន្តហោះប្រទេសបែលហ្ស៊ិករងការបំផ្ទុះគ្រាប់បែក ស្លាប់និងរបួសមនុស្សច្រើននាក់
ចន្លោះមិនឃើញ
តាមការចុះផ្សាយរបស់សារព័ត៌មាន BBC ប៉ុន្មាននាទីមុននេះ មានការបំផ្ទុះចំនួនពីរបានកើតឡើងនៅឯព្រលានយន្តហោះ Zaventem ក្នុងទីក្រុងព្រុចសែល ប្រទេសបែលហ្ស៊ិក។
តាមប្រភពពីសារព័ត៌មាន Daily Mail មកទល់ពេលនេះមានមនុស្សចំនួន២៣នាក់បានស្លាប់ ៥០នាក់បានរងរបួស។ សាក្សីជាច្រើនបានឲ្យដឹងថាពួកគេបានឃើញ បំណែកសាកសពមនុស្សជាច្រើន ក្រោយពេលការផ្ទុះចេញពីកន្លែង ត្រួតពិនិត្យនៅក្នុងក្រុមហ៊ុនអាកាសចរ American Airlines។
តាមរូបភាពលើបណ្ដាញអ៊ីនធឺណិតបានបង្ហាញពីកញ្ចក់បង្អួចនៅព្រលានយន្តហោះបានផ្ទុះបែកខ្ទាតចេញមកក្រៅនិងមានផ្សែងភ្លើងហ៊ុយទ្រលោម។ រយៈពេល៩០នាទីក្រោយមក មានការបំផ្ទុះមួយទៀតកើតឡើងនៅស្ថានីយមេត្រូ(ផ្លូវក្រោមដី) ក្បែរទីស្នាក់ការកណ្ដាលនៃសហភាពអឺរ៉ុបនាកណ្ដាលទីក្រុងព្រុចសែលផងដែរ។
ចំពោះការផ្ទុះនៅព្រលានយន្តហោះនោះផងដែរ បានកើតឡើង៤ថ្ងៃក្រោយពីការចាប់ខ្លួន ជនសង្ស័យ Salah Abdeslam ក្នុងការវាយប្រហារនៅទីក្រុងប៉ារីសប្រទេសបារាំងកាលពីខែវិច្ឆិកាឆ្នាំ២០១៥កន្លងទៅ។
Belgian government confirms there are victims at Brussels #Zaventem airport blast http://www.bbc.co.uk/news/world-europe-35869254Posted by BBC News on Tuesday, 22 March 2016
ប្រែសម្រួល៖ មាន រតនា ប្រភព៖ BBC, dailymail