ដឹង ស្រីស្អាត៣នាក់នេះ ជិះរថយន្តស៊េរីអ្វីខ្លះអត់?
- 2016-03-24 13:12:43
- ចំនួនមតិ 0 | ចំនួនចែករំលែក 0
ដឹង ស្រីស្អាត៣នាក់នេះ ជិះរថយន្តស៊េរីអ្វីខ្លះអត់?
ចន្លោះមិនឃើញ
កញ្ញា ឌុច លីដា មាន សូនីតា ជីជី សុទ្ធតែស្ថិតក្នុងចង្កោមស្រីស្អាតជួរមុខរបស់តារាកម្ពុជា ហើយ ទស្សនិកជនប្រហែលជាបានស្គាល់ពួកគាត់ផងដែរ ប៉ុន្តែបើនិយាយពីរថយន្តអ្នកទាំង៣នាក់នេះជិះប្រហែល អាចដឹងមិនអស់។ អីចឹង...ចង់ដឹងពួកគាត់ជិះរថយន្តស៊េរីអ្វីខ្លះ តាមដានទាំងអស់គ្នា៖
១/ កញ្ញា ឌុច លីដា តារាសម្ដែង ឌុច លីដា ធ្លាប់បានប្រាប់ Sabay កាលពីពេលថ្មីៗនេះថា ចាប់តាំងពីខ្លួនចូលសិល្បៈមក ធ្លាប់បានប្ដូររថយន្តអស់៣គ្រឿងមកហើយ ដោយរថយន្តទាំងនោះ មានតម្លៃចន្លោះ ក្រោម១ម៉ឺនដុល្លារ រហូតដល់ជាង២ម៉ឺនដុល្លារអាមេរិក។ តារាស្រីម្នាក់នេះ មិនបានប្រាប់ពី ម៉ាក និងស៊េរីរថយន្តដែលនាងធ្លាប់ជិះឡើយ ប៉ុន្តែតាមប្រភពច្បាស់ការមួយប្រាប់ថា បច្ចុប្បន្ននាងកំពុងតែជិះLexus RX330។
២/ កញ្ញា មាន សូនីតា
ខុសពីកញ្ញា ឌុច លីដា សម្រាប់កញ្ញា មាន សូនីតា បានបរិយាយពីរថយន្តដែលខ្លួនធ្លាប់ជិះទាំងអស់ ខ្លួនធ្លាប់ជិះរថយន្តអស់ចំនួន៣ គ្រឿងមកហើយ ដោយរថយន្តទាំងនោះមានតម្លៃចន្លោះ ខ្ទង់១ម៉ឺនដុល្លារ ទៅជាង២ម៉ឺនដុល្លារ។
តារាស្រីដែលទើបគេប្រសិទ្ធនាមឲ្យជា "រាជនីក្រមា" រូបនេះបន្តថា ខ្លួនមានរថយន្តជិះ តាំងពីមិនទាន់ចូលសិល្បៈមកម្ល៉េះ ដោយរថយន្តដំបូង គឺ Camry ស៊េរីឆ្នាំ ២០០០តម្លៃខ្ទង់១ម៉ឺនដុល្លារ ។ បន្ទាប់មកទៀត ក្រោយបោះជំហានចូលសិល្បៈស៊ុប នាងប្ដូរមកជិះ Camry សេរីឆ្នាំ ២០០៧ តម្លៃ ជាង១ម៉ឺនដុល្លារដូចគ្នា ហើយចុងក្រោយគឺ Lexus RX 330 តម្លៃជាង២ម៉ឺនដុល្លារ។
៣/ ជីជី
តារាសម្ដែង និងជាពិធីការិនី កញ្ញា ពេជ្រ សូលីដា ហៅជីជី ក៏មិនចាញ់ ឌុច លីដា និង មាន សូនីតាប៉ុន្មានដែរ ដោយបច្ចុប្បន្ននាងកំពុងតែជិះរថយន្តតម្លៃជាង២ម៉ឺនដុល្លារដូចគ្នា។ រថយន្តដែល ជីជី កំពុងតែជិះបច្ចុប្បន្ន គឺ Toyota Camry ស៊េរីឆ្នាំ2007 មានតម្លៃ ជាង២ម៉ឺនដុល្លារ។
នាងបានប្រាប់ថា ចាប់ទាំងពីខ្លួនបោះជំហានចូលសិល្បៈតាមរយៈបងស្រីមក ទើបតែប្ដូររថយន្តអស់តែ២គ្រឿងប៉ុណ្ណោះ។ រថយន្តទី១ របស់នាងគឺ គឺ Toyota corolla សេរី1995ដែលនាងបានទិញពីបងស្រីរបស់ខ្លួន ពេជ្រ សិរីរ័ត្ន តម្លៃខ្ទង់៤ពាន់ដុល្លារ។
ទាំង ឌុច លីដា មាន សូនីតា ក៏ដូចជា ជីជី សុទ្ធតែបានបញ្ជាក់ប្រាប់ថា មិនទាន់មានគម្រោងប្ដូររថយន្តដែលខ្លួនជិះរាល់ថ្ងៃទៀតទេ ត្បិតអីរថយន្តដែលអ្នកទាំង៣កំពុងតែជិះ គឺសក្ដិសមសម្រាប់ខ្លួនណាស់ហើយ ៕
អត្ថបទ៖ ខុត សីហា