ជប៉ុនបង្ហាញយន្តហោះដឹកអ្នកដំណើរដែលខ្លួនផលិតជាលើកដំបូងក្នុងរយៈពេល ៥០ ឆ្នាំ
- 2014-10-25 16:10:07
- ចំនួនមតិ 0 | ចំនួនចែករំលែក 0
ជប៉ុនបង្ហាញយន្តហោះដឹកអ្នកដំណើរដែលខ្លួនផលិតជាលើកដំបូងក្នុងរយៈពេល ៥០ ឆ្នាំ
ចន្លោះមិនឃើញ
ក្រុមហ៊ុនអាកាសចរណ៍ Mitsubishi បានបង្ហាញយន្តហោះដឹកអ្នកដំណើរលើកដំបូងដែលជប៉ុនផលិតក្នុងរយៈពេល ៥០ ឆ្នាំមកនេះ។ បើមើលពីខាងក្រៅការរចនាយន្តហោះថ្មីមើលទៅស្រស់ស្អាត។ តែការសម្ពោធនេះបានធ្វើឲ្យអ្នកវិភាគជាច្រើនអេះក្បាលឆ្ងល់ថា តើយន្តហោះដឹកអ្នកដំណើរធុនមធ្យមថ្មីឈ្មោះ MRJ របស់ Mitsubishi អាចរកលុយបានឬអត់?
ក្រុមហ៊ុនជប៉ុនមួយនេះបានទទួលការកុម្ម៉ង់ទិញចំនួន ២៣០ គ្រឿងហើយ តែអ្នកវិភាគវាយតម្លៃថា ក្រុមហ៊ុនត្រូវលក់ឲ្យបាន ៥០០ គ្រឿងទៀតដើម្បីឲ្យរួចថ្លៃដើមនៃគម្រោងនេះ។
ទីផ្សារយន្តហោះដឹកអ្នកដំណើរធុនតូច និងធម្យមត្រូវក្រុមហ៊ុនធំពីរគឺ Embraer របស់ប្រេស៊ីលនិង Bombardier របស់កាណាដាជាអ្នកគ្រប់គ្រងចំណែកទីផ្សារធំជាងគេ។ ដំណាលគ្នានេះ ក្រុមហ៊ុនចិន និងរុស្ស៊ីកំពុងសម្ងំអភិវឌ្ឍយន្តហោះដឹកអ្នកដំណើរធុនធម្យមផ្ទាល់ខ្លួនដែលអាចមានតម្លៃថោកជាង ៤០ លានដុល្លារ ដែលក្រុមហ៊ុន Mitsubishi លក់ចេញទៅលើប្រភេទ MRJ នេះដែរ។
Mitsubishi ធ្លាប់ផលិតផ្នែកខ្លះនៃយន្តហោះ Boeing និងដំឡើងយន្តហោះយោធាអាមេរិមានកុងត្រាទៀតផង។
ទោះជាបែបនេះក្ដី អ្នកវិភាគជាច្រើននៅតែមានការងឿងឆ្ងល់ថា តើក្រុមហ៊ុនមានសមត្ថភាពគ្រប់គ្រាន់ក្នុងការរចនា និងផលិតយន្តហោះទាំងស្រុងឬអត់។ តែទោះជាយ៉ាងណា ក៏គេធ្លាប់ដឹងដែរថា ក្រុមហ៊ុនជប៉ុនមួយនេះធ្លាប់ផលិតយន្តហោះប្រយុទ្ធឈ្មោះ Zero កាលពីជាង ៧ ទសវត្សកន្លងទៅ។
រយៈពេលដ៏យូរបែបនេះធ្វើឲ្យអ្នកជំនាញមិនច្បាស់ចំពោះសមត្ថភាពជប៉ុនក្នុងការផលិតយន្តហោះ ព្រោះចាប់តាំងពីសង្គ្រាមលោកលើកទីពីរមកជប៉ុនត្រូវបានហាមឃាត់មិនឲ្យផលិតអ្វីពាក់ព័ន្ធនឹងយន្តហោះឡើយ៕
អាន៖ឆត្រនាអនាគតប្រើកម្លាំងខ្យល់បំបែកទឹកភ្លៀង
ប្រែសម្រួល៖ សីហា ប្រភព៖ economist