កូនស្រីទាំង២របស់លោក Obama ចង់ជួប Messi តែមិនបានសម្រេច

2016-03-25 16:29:55
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកប្រធានាធិបតី Barack Obama ដែលធ្វើទស្សនកិច្ចក្នុងប្រទេសអាហ្សង់ទីន បានឲ្យដឹងថាកូនស្រីទាំង២ គឺ Sasha និងMalia មានបំណងចង់ជួប ប្រធានក្រុមជម្រើសជាតិអាហ្សង់ទីន Lionel Messi ប៉ុន្តែការប៉ុនប៉ងនេះត្រូវបរាជ័យ។

នៅសាលាបណ្ដុះគំនិតមេដឹកនាំវ័យក្មេង ក្នុងទីក្រុង Buenos Aires ប្រទេសអាហ្សង់ទីន ប្រធានាធិបតីទី៤៤របស់អាមេរិករូបនេះបានថ្លែងថា៖ "ខ្ញុំចង់នាំកូនស្រីទាំង២ មកកាន់ទីនេះដើម្បីឲ្យពួកគេអាចមើលទេសភាពនៃទីក្រុង Buenos។ Sasha និងMalia មានឱកាសជួបនឹងសម្ដេចប៉ាប Pope Francis ដែលជាបុគ្គលដ៏ល្បីជនជាតិអាហ្សង់ទីន ហើយពេលនេះពួកគេចង់ជួបកីឡាករ Messi តែខ្ញុំមិនអាចសម្រេចបំណងនោះបាន"។

Messi កំពុងស្ថិតនៅប្រទេសឈីលី ដោយជាប់កាតព្វកិច្ចជាមួយក្រុមជម្រើសជាតិក្នុងយុទ្ធនាការជម្រុះពានរង្វាន់ពិភពលោក ប្រចាំទ្វីបអាមេរិកខាងត្បូង។ ខ្សែប្រយុទ្ធវ័យ២៨ឆ្នាំបានដឹកនាំក្រុមយកឈ្នះម្ចាស់ផ្ទះ ក្រុមជម្រើសជាតិឈីលី ២-១ ព្រឹកម៉ិញនេះ ធ្វើឲ្យអាហ្សង់ទីនរំកិលឡើងមកលេខ៤ មាន៨ពិន្ទុក្រោយលេងបាន ៥ប្រកួត (ចុចអាន)៕