ស្រីម៉ុច កូន ៣ ហើយនៅតែសិចស៊ី

2014-09-18 15:52:22
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសិចស៊ី ស្រីម៉ុច អតីតតួឯករឿង "កាកី" និង ជាតារាសម្ដែងក្នុងបទចម្រៀង "ជីដូនកាកី" ដែលបានបាត់មុខក្នុងវិថីសិល្បៈជាច្រើនឆ្នាំមកហើយនោះ បច្ចុប្បន្នមានកូន ៣ នាក់ តែនាងនៅតែរក្សាភាពសិចស៊ីដដែល។

សូមចុចអាន៖ Wow…បេក្ខជនខ្លាំងមិនចាញ់ម្ចាស់ដើម Coach រកកន្លែងរិះគន់មិនឃើញសោះ!

ជំនួបជាមួយ Sabay កាលពីដើមសប្ដាហ៍មុននេះ ក្នុងពិធីបើកសម្ពោធទស្សនាវដ្ដី HOMMES ស្រីម៉ុច បានប្រាប់ថា បច្ចុប្បន្ននាងមានកូន ៣ នាក់ ប្រុស ២ ស្រី១។ នាង និង ក្រុមគ្រួសារ កំពុងរកស៊ីនៅប្រទេសសិង្ហបុរី ប៉ុន្តែ ការចេញចូលប្រទេសកម្ពុជា គឺញឹកញាប់ជានិច្ច។

ស្រីម៉ុច ប្រាប់ទៀតថា ក្នុងមួយឆ្នាំនាងចេញចូលប្រទេសកម្ពុជា មិនតិចជាង ១០ ដងឡើយ ទាក់ទងនឹងការងាររកស៊ី ក៏ដូចមកលេងបងប្អូន សាច់ញាតិ និង មិត្តភ័ក្ដិជាដើម។ តារាស្រីនេះ មិនបានប្រាប់ពីមុខរបរដែលនាងមានរាល់ថ្ងៃឡើយ។

ស្រីម៉ុច បានបោះបង់ចោលសិល្បៈជិត ១០ ឆ្នាំ ហើយនាងត្រូវបានទស្សនិកជនស្គាល់តាមរយៈការសម្ដែងរឿង "កាកី" និង កាយវិការសម្ដែងសិចស៊ីក្នុងបទចម្រៀង "ជីដូនកាកី" របស់ លោក ហេង ប៊ុនលាភ នៅអំឡុងឆ្នាំ ២០០៥-២០០៦។

ទោះបីជាបានបោះបង់ចោលសិល្បៈ ច្រើនឆ្នាំហើយក្ដីតារាស្រីម្នាក់នេះ នៅតែនិយមស្លៀកពាក់សិចស៊ីជានិច្ច។ ស្រីម៉ុចបានលើកឡើងថា ភាពស៊ីជាចំណង់ចំណូលចិត្តតាំងពីនាងពេញវ័យមកម្ល៉េះ ហើយនាងនៅតែបន្តភាពសិចស៊ីនេះទៀត។ ចំពោះការវិលចូលសិល្បៈវិញ នាងបញ្ជាក់ប្រាប់ថា មិនត្រឡប់មកវិញឡើយ ត្បិតអីបច្ចុប្បន្ននេះ រវល់គ្មានថ្ងៃសម្រាក រឿងរកស៊ី និង ការមើលថែកូនចៅ៕

អត្ថបទ៖ ខុត សីហា