បេក្ខជន DJ Championship នាំថវិកាជួយមន្ទីរពេទ្យកុមារអង្គរ
- 2016-03-30 00:50:24
- ចំនួនមតិ 0 | ចំនួនចែករំលែក 0
បេក្ខជន DJ Championship នាំថវិកាជួយមន្ទីរពេទ្យកុមារអង្គរ
ចន្លោះមិនឃើញ
បេក្ខជនកម្មវិធី Cambodia DJ Championship បាននាំយកថវិកាមួយចំនួនជួយដល់មន្ទីរពេទ្យកុមារអង្គរ ខេត្តសៀមរាប កាលពីចុងសប្ដាហ៍កន្លងទៅនេះ។
លោក Raindy ប្រធានផ្នែកទីផ្សារ និងដឹកនាំសកម្មភាពនេះបាននិយាយថា ថវិកាទាំងអស់បានពីការលេងភ្លេងលក្ខណៈសប្បុរសធម៌ក្នុងក្លឹបកម្សាន្តមួយក្នុងសៀមរាប ក្រៅពីគោលបំណងដើរកម្សាន្តរបស់ពួកគេ។ ថវិកាមួយចំនួនត្រូវបានប្រគល់ទៅមន្ទីរពេទ្យកុមារអង្គររួចហើយ។
ដោយឡែក សមាជិកទាំងអស់ជាបេក្ខភាព DJ ក៏បាននាំយកអំណោយមួយចំនួន ជួយដល់កុមារកំព្រារស់នៅអង្គការខ្មែរអភិវឌ្ឍន៍សេដ្ឋកិច្ចសង្គម ដែលមានទីតាំងក្នុងខេត្តខាងលើ ដើម្បីសម្រួលដល់ការលំបាកមួយចំណែកផងដែរ។
ប្រធានផ្នែកទីផ្សារ និងជាកម្មការ Cambodian DJ Championship 2016 ខាងលើអះអាងថា បេក្ខភាព DJ៤ រូបទៀត កំពុងត្រៀមខ្លួនសម្រាប់ការប្រកួតវគ្គផ្ដាច់ព្រ័ត្រនៅថ្ងៃទី ៣០ ខែមីនា ២០១៦ ។ មហាជននឹងបានដឹងថា នរណាជាម្ចាស់ជយលាភី DJ លេខ ១ នៅប្រទេសកម្ពុជាមិនខាន បន្ទាប់ពីដំណើរប្រកួតជម្រុះកន្លងមក៕
អត្ថបទ៖ សំ ជំនាញ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
