ចង់ដឹងឈ្មោះដំបូងរបស់មិត្តភ័ក្ដិអ្នកលើ Facebook ស្លុយឬយ៉ាងណា សាកតាមវិធីនេះ

2016-04-05 13:06:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ Facebook មួយចំនួន ពេលដែលទើបចាប់ផ្ដើមលេងដំបូងគឺតែងដាក់ឈ្មោះប្លែកៗដើម្បីទាក់ទាញចំណាប់អារម្មណ៍អ្នកដទៃ លុះលេងបានរាងយូរបន្តិចក៏ប្ដូរមកប្រើឈ្មោះដើមកំណើតរបស់ខ្លួនវិញ។ យ៉ាងណាក្ដីឈ្មោះប្លែកៗ របៀបលេងសើចដែលបានប្រើនេះមិនបាត់ពីគណនីបានទាំងស្រុងឡើយ ដោយវានៅតែស្ថិតជាប់នឹង URL នៃគណនី ប្រសិនបើមិនបានចូលប្ដូរនៅក្នុង Setting ទេនោះ។

ដើម្បីមើលពីឈ្មោះដើមរបស់នរណាម្នាក់គឺ សម្រាប់លើកុំព្យូទ័រគ្រាន់តែចូលទៅកាន់គណនីរបស់ម្នាក់នោះ រួចសង្កេតមើលលើអក្សរដែលនៅលើ URL នៃគណនីនោះ។

ចំពោះនៅលើទូរសព្ទអាចចូលមើលបាន ដោយបើក Facebook នៅលើកម្មវិធី Browser ណាមួយក៏បានមិនថា Chrome ឬ Safari រួចចូលទៅកាន់គណនីរបស់ម្នាក់ ដោយនៅលើ URL នឹងមានបង្ហាញឈ្មោះដើមដែលគណនីនោះធ្លាប់បានប្រើ។

គួរបញ្ជាក់ថាចំពោះគណនីមួយចំនួនដែលទើបបង្កើតថ្មីថ្មោងអាចនឹងមិនមានឈ្មោះលើ URL ឡើយ ពោលគឺបង្ហាញជាលេខ ID ដែលសម្គាល់គណនីមួយៗវិញ នេះក៏ដោយសារពួកគេមិនបានកំណត់ Username នៅត្រង់កន្លែង Setting។ ឈ្មោះ Username នេះដែរ ប្រសិនបើចង់ប្ដូរ គឺអាចប្ដូរបានតែមួយលើកប៉ុណ្ណោះ៕