សញ្ញាទាំងឡាយដែលប្រាប់ថា Minzy ចង់ដើរចេញពី 2NE1 តាំងពីយូរមកម្ល៉េះ

2016-04-06 15:55:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សញ្ញាជាច្រើនបានបង្ហាញឲ្យឃើញថា Minzy អតីតសមាជិកក្រុមចម្រៀងល្បីឈ្មោះ 2NE1 មានគំនិតចង់ចេញពីក្រុមតាំងពីយូរមកម្ល៉េះ មិនមែនទើបតែថ្មីៗនេះទេ។

ឆ្នាំ ២០១៤ អ្នកគាំទ្រចាប់ផ្ដើមព្រួយបារម្ភនៅពេល Minzy បានលុបឈ្មោះ "2NE1” ចេញពីគ្រប់បណ្ដាញសង្គមរបស់ខ្លួនទាំងអស់។ យ៉ាងណាក៏ដោយ ផលិតកម្ម YG នៅពេលនោះបាននិយាយថាព័ត៌មាន Minzy ចេញពីក្រុមនោះមិនមែនជាការពិត។

បើទោះបីជាពាក្យចចាមអារ៉ាមតារាចម្រៀងអាយុ ២២ឆ្នាំចេញពីក្រុមត្រូវស្ងប់ស្ងាត់វិញក្រោយពេលនាងបង្ហាញមុខរួមគ្នាជាមួយសមាជិកដទៃទៀតនៅលើឆាក MAMA 2015 ក៏ដោយតែអ្នកគាំទ្រចាប់ផ្ដើមភ័យសារជាថ្មីម្ដងទៀតនៅពេលនាងបើកសាលាបង្រៀនរាំដោយខ្លួនឯង ដែលធ្វើឲ្យគេគិតថា Minzy មានទិសដៅផ្ទាល់ខ្លួនមិនចង់បន្តដំណើរនៅលើវិថីជាសមាជិក 2NE1 តទៅទៀត។

Minzy បើកសាលាបង្រៀនរាំផ្ទាល់ខ្លួន

មិនបញ្ឈប់ត្រឹមនោះ ក្រោយការសម្ដែងក្នុងកម្មវិធី MAMA 2015 រួចមក ផ្ទុយពីការចូលរួមក្នុងកម្មវិធីនានាជាមួយសិល្បកររបស់ YG Entertainment, Minzy ជ្រើសយកការទៅណាមកណាដាច់ដោយឡែកតែម្នាក់ឯង។ បន្ថែមពីនេះទៀត ក្រោយពេលសម្ដែងនៅលើឆាក MAMA 2015 រួច Minzy បានបង្ហោះរូបថតមួយសន្លឹកនៅ Instagram ផ្ទាល់ខ្លួនភ្ជាប់ជាមួយពាក្យថា៖ "បេសកកម្មត្រូវបានបញ្ចប់" ដែលបានឲ្យហេតុថានេះគឺជាការសម្ដែងចុងក្រោយរបស់នាងជាមួយក្រុម 2NE1។

Minzy សរសេរថា "បេសកកម្មបានបញ្ចប់" ក្រោយពេលសម្ដែងនៅ MAMA 2015

ជាមួយនឹងគ្នានេះដែរ អ្នកគាំទ្រមួយចំនួនបានលើកឡើងថា មូលហេតុដែលបណ្ដាលឲ្យតារាចម្រៀងវ័យក្មេងរូបនេះ ចាកចោលទ្រនំដែលខ្លួនបានស្នាក់នៅជាង១០ឆ្នាំមកនេះគឺនាងអន់ចិត្តជាមួយក្រុមហ៊ុនដែលមិនបានផ្ដល់ឱកាសឲ្យនាងបានបង្ហាញពីទេពកោសល្យរបស់ខ្លួន។ ខណៈសមាជិក CL ត្រូវបាន YG សម្រុកជួយផ្សព្វផ្សាយឲ្យនាងមានកេរ្តិ៍ឈ្មោះនៅលើទីផ្សារអាមេរិកនិង Sandara ក្លាយជាពិធីការិនីទូរទស្សន៍និងបានសម្ដែងក្នុងរឿងភាគនោះ Minzy គ្មានសកម្មភាពអ្វីលេចធ្លោនៅក្នុងសិល្បៈទាំងអស់។

Minzy ចូលរួមក្នុងកម្មវិធីតែម្នាក់ឯង

ក្រោយពេលដំណឹងចាកចេញពីក្រុមរបស់ Minzy ត្រូវបានផ្សព្វផ្សាយ អ្នកគាំទ្របានបង្ហាញពីការអាណិតរបស់ខ្លួនចំពោះតារាចម្រៀងស្រីនេះដោយពួកគេបានលើកមតិឡើងដូចជា៖ "ប្រាកដហើយថា Minzy ត្រូវចេញពីក្រុមព្រោះនាងគ្មានការងារធ្វើរាប់ឆ្នាំមកហើយ" “និយាយឲ្យខ្លី Minzy គឺជាជនរងគ្រោះក្នុងរឿងនេះ" “មិនមែនជា 2NE1 ទៀតទេបើគ្មាន Minzy”៕

ចុចអាន៖YG ប្រកាស Minzy ចាកចេញផ្លូវការ ឯ 2NE1 នឹងបន្តដោយសមាជិក៣រូប

ប្រែសម្រួល៖ សុវណ្ណផៃ ប្រភព៖soompi