Xiaomi 5 យកឈ្នះ S7 Edge និង iPhone 6s ក្លាយជាទូរសព្ទល្បឿនលឿនជាងគេ

2016-04-12 16:35:52
ចំនួនមតិ 0 | ចំនួនចែករំលែក 0

ចន្លោះមិនឃើញ

វិបសាយ AnTuTu បានបញ្ចេញបញ្ជីថ្មីមួយ ដែលបង្ហាញពីចំណាត់ថ្នាក់ទូរសព្ទមានល្បឿនលឿនជាងគេប្រចាំត្រីមាសទីមួយឆ្នាំ២០១៦។ ជាលទ្ធផលឃើញថាទូរសព្ទរបស់ក្រុមហ៊ុនចិន Xiaomi 5 បានផ្ដួល S7 Edge និង iPhone 6s ដើម្បីគ្រោងដំណែងលេខមួយ។

Xiaomi 5 ជាទូរសព្ទដែលទើបបានប្រកាសកាលពីខែកុម្ភៈកន្លងទៅ ទទួលបានពិន្ទុពីការធ្វើតេស្តដល់ទៅ ១៣៦៨៧៥។ ដោយឡែកចំពោះ S7 Edge ឯណោះវិញឃើញថាទទួលបានពិន្ទុមិនជាខុសគ្នាពី Xiaomi 5ខ្លាំងក្លាប៉ុន្មានឡើយ ពោលគឺបានពិន្ទុ ១៣៤៥៩៩។ សម្រាប់ iPhone 6s ដែលធ្លាប់ស្ថិតនៅចំណាត់ថ្នាក់លើគេបានធ្លាក់មកកាន់ចំណាត់ថ្នាក់លេខបីវិញម្ដងជាមួយពិន្ទុ ១៣៣៧៨១។

គួររំលឹកថាក្រុម AnTuTu បានបង្កើតជាបញ្ជីនេះឡើងដោយគិតលើ RAM,បន្ទះ Chip, កម្រិត Resolution រួមទាំងចំណុចដទៃទៀតដែលរួមចំណែកបង្កើតល្បឿននៃទូរសព្ទ។ ពិន្ទុនៃម៉ូដែលទូរសព្ទនីមួយៗគឺប្រមូលផ្ដុំពីលទ្ធផលនៃការធ្វើតេស្តលើទូរសព្ទយ៉ាងហោចណាស់៥០០គ្រឿងផ្សេងគ្នា រួចយកគិតជាមធ្យម៕

ចុចអាន៖ មុខងារពិសេសប្រើសម្រាប់ផ្ទេររូបភាពរវាង iPhone ដែលអ្នកប្រហែលមិនដឹង

ប្រែសម្រួល៖ ហៃ សុខហេង ប្រភព៖ PhoneArena