នាយ កុយ ប្រកាសធ្វើបុណ្យថ្វាយលោកយាយ ម៉ៅ

2016-04-12 20:05:10
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជូង ជី ហៅនាយ កុយ បានប្រកាសថា គ្រួសាររបស់លោកត្រៀមធ្វើបុណ្យថ្វាយលោកយាយ ម៉ៅ ពេជ្រនិលម្ដងទៀត នៅក្រោយឱកាសចូលឆ្នាំប្រពៃណីជាតិខ្មែរ។

តារាកំប្លែងរូបនេះបន្តថា ពិធីបុណ្យនេះរៀបចំឡើងនៅថ្ងៃទី២១ មេសា ២០១៦ ខាងមុខ។ ក្រៅអំពីការឧទ្ទិសថ្វាយយាយ ម៉ៅ ហើយនោះ បុណ្យនេះមានគោលបំណងប្រមូលបច្ច័យ ដើម្បីកសាងវត្តពេជ្រនិល ខណៈកំពុងមានការខ្វះខាតក្នុងការកសាងសមិទ្ធផលនានា សម្រាប់បម្រើឱ្យវិស័យព្រះពុទ្ធសាសនា។

“ខ្ញុំសង្ឃឹមថា សប្បុរសជនទាំងអស់មេត្តាជួយតាមសទ្ធាជ្រះថ្លារបស់អស់លោកផងចុះ ព្រោះវត្តកំពុងមានការខ្វះខាតច្រើនណាស់"។ នាយ កុយ ថ្លែងមកកាន់ Sabay ។ តារាកំប្លែងជើងចាស់ខាងលើបន្ថែមថា ជារៀងរាល់ឆ្នាំលោកតែងផ្ដួចផ្ដើមកម្មវិធីបុណ្យនេះឡើង។ ហើយសម្រាប់ឆ្នាំនេះ លោកសង្ឃឹមថា អ្នករួមអាជីព និងសប្បុរសជនចូលរួមបានច្រើន។

លោកបញ្ជាក់ថា ក្នុងឱកាសនោះក៏មានក្រុមសិល្បៈកំប្លែងរបស់លោកសម្ដែងឱ្យប្រជាពលរដ្ឋបានទស្សនា ព្រមទាំងមានការចែកអំណោយដល់ពួកគាត់ផងដែរ៕

អត្ថបទ៖ សំ ជំនាញ