Yoona មានគេហៅថតជាង៣០រឿងនៅចិនដីគោក
- 2016-04-19 20:31:20
- ចំនួនមតិ 0 | ចំនួនចែករំលែក 0
Yoona មានគេហៅថតជាង៣០រឿងនៅចិនដីគោក
ចន្លោះមិនឃើញ
ក្រោយពេលរឿងភាគបុរាណ "God of War, Zhao Yun” ត្រូវបានចាក់ផ្សាយកេរ្តិ៍ឈ្មោះរបស់តារាចម្រៀងនិងសម្ដែង Yoona បានកើនឡើងគួរឲ្យកត់សម្គាល់។
វ៉ាមុខតារាសម្ដែង Park Shin Hye តារាចម្រៀង Yoona បានក្លាយជាសិល្បករកូរ៉េដែលមានប្រជាប្រិយភាពបំផុតនៅប្រទេសចិន។ ជាមួយនឹងប្រជាប្រិយភាពនេះដែរបានជួយឲ្យសមាជិកក្រុមចម្រៀង Girls' Generation ទទួលបានសំណើថតរឿងជាង៣០ពីផលិតករចិនដីគោក។
តំណាងរបស់ផលិតកម្ម SM Entertainment បានឲ្យដឹងថាពាក្យអញ្ជើញជាង៣០មានទាំងរឿងភាគនិងភាពយន្តបានបញ្ជូនមកឲ្យ Yoona។ អាស្រ័យហេតុនេះ SM កំពុងគិតគូរយ៉ាងម៉ត់ចត់ដើម្បីរើសយករឿងមួយណាដែលស័ក្ដិសមនឹងតារាចម្រៀងអាយុ ២៥ឆ្នាំនេះជាងគេ។ ជាបឋម Yoona អាចនឹងចូលសម្ដែងរឿងភាគថ្មីមួយជាមួយ Ma Tianyu និង Oh Sehun ដែលត្រូវបានផលិតឡើងដោយ Ruby Lin។
កេរ្តិ៍ឈ្មោះដែលកំពុងល្បីរន្ទឺនៅចិនរបស់ Yoona នេះ មួយផ្នែកគឺបានមកពីរឿងភាគ "God of War, Zhao Yun”។ ត្រឹមរយៈពេល១២ថ្ងៃដំបូង រឿង៦០ភាគនេះមានចំនួនអ្នកមើលជាង ២ពាន់លានដងនិងចំនួនអ្នកទស្សនាប្រចាំថ្ងៃនោះគឺ ២០០លានដង។
ទន្ទឹមគ្នានឹងរឿងភាគនិងភាពយន្ត Yoona ក៏កំពុងគិតដល់លទ្ធភាពវាយលុកខាងកម្មវិធីកម្សាន្តនានាផងដែរ។ មុននេះបន្តិចម្ចាស់បទ "Devine” បានបង្ហាញមុខកម្មវិធីដ៏មានប្រជាប្រិយភាព "Happy Camp” នៅលើប៉ុស្តិ៍ Hunan របស់ចិន៕
ចុចអាន៖“សង្សារខ្ញុំជាមនុស្សភពផ្កាយ” កំពុងត្រៀមផលិតវគ្គ២ ប៉ុន្តែ…
ប្រែសម្រួល៖ សុវណ្ណផៃ ប្រភព៖kenh14