ឈុតគ្រវាសទូរសព្ទក្នុង"Descendants of the Sun” លេចមុខក្នុងវិញ្ញាសាប្រលងរូបវិទ្យាវៀតណាម
- 2016-04-20 13:04:42
- ចំនួនមតិ 0 | ចំនួនចែករំលែក 0
ឈុតគ្រវាសទូរសព្ទក្នុង"Descendants of the Sun” លេចមុខក្នុងវិញ្ញាសាប្រលងរូបវិទ្យាវៀតណាម
ចន្លោះមិនឃើញ
ឈុតគ្រវាសទូរសព្ទដ៏កាលីបរបស់មេបញ្ជាការ Yoo Shi Jin ក្នុងរឿងភាគ "Descendants of the Sun” បានបង្ហាញមុខក្នុងវិញ្ញាសាប្រលងរូបវិទ្យារបស់វិទ្យាល័យមួយក្នុងទីក្រុងហូជីមិញប្រទេសវៀតណាម។
រឿងភាគ "Descendants of the Sun” បានបញ្ចប់កាលពីសប្ដាហ៍មុន តែចំហាយរបស់រឿងមួយនេះគឺមិនទាន់ស្ងប់រលាបនោះឡើយ។ មិនត្រឹមតែល្បីនៅលើអ៊ីនធឺណិត រឿងភាគកូរ៉េនេះបានវាយលុកដល់វិស័យអប់រំទៀតផង។ ថ្មីៗនេះ សិស្សវិទ្យាល័យនៅវៀតណាមមួយរូបបានបង្ហោះវិញ្ញាសាប្រលងរូបវិទ្យារបស់ខ្លួននៅលើ facebook។ អ្វីដែលគួរឲ្យចាប់អារម្មណ៍នោះគឺវិញ្ញាសាប្រលងនេះបានយកឈុត Song Joong Ki គ្រវាសទូរសព្ទរបស់ Song Hye Kyo នៅក្នុងមន្ទីរពេទ្យយកមកធ្វើប្រធាន។
ប្រធានវិញ្ញាសាប្រលងមានខ្លឹមសារដូចខាងក្រោម៖
នៅក្នុងភាគទី១របស់រឿងភាគ "Descendants of the Sun” ឈុតមេបញ្ជាការ Yoo Shi Jin (សម្ដែងដោយ Song Joong Ki) គ្រវាសទូរសព្ទនៅលើដៃរបស់វេជ្ជបណ្ឌិត Kang Mo Yeon (សម្ដែងដោយ Song Hye Kyo) គឺពិតជាឡូយខ្លាំងណាស់។ ឧទាហរណ៍ថាទូរសព្ទមានទំងន់ ១៥០ក្រាមនិងត្រូវបោះឡើងលើក្នុងល្បឿន ១៨គីឡូម៉ែត្រក្នុងមួយម៉ោង ចូលគណនាសំណួរខាងក្រោម។
a. គណនាកម្លាំងមេកានិចរបស់ទូរសព្ទ b. គណនាកម្ពស់អតិបរមាដែលទូរសព្ទអាចឡើងដល់ c. គណនារយៈពេលធ្លាក់ចុះដល់ដីរបស់ទូរសព្ទ។
បើតាមដឹង នេះគឺវិញ្ញាសាប្រលងឆមាសទី២របស់សិស្សថ្នាក់ទី១០វិទ្យាល័យ Nguyễn Hữu Thọ ទីក្រុងហូជីមិញ។ អ្នកគាំទ្ររបស់រឿងភាគមួយនេះបានបង្ហាញអារម្មណ៍ពួកគេពិតជាភ្ញាក់ផ្អើលខ្លាំងណាស់នៅពេលឃើញប្រធានវិញ្ញាសារបស់ខ្លួនមានទាក់ទងជាមួយរឿងភាគ "Descendants of the Sun” ៕
ចុចអាន៖“សង្សារខ្ញុំជាមនុស្សភពផ្កាយ” កំពុងត្រៀមផលិតវគ្គ២ ប៉ុន្តែ…
ប្រែសម្រួល៖ សុវណ្ណផៃ ប្រភព៖kenh14
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
