ព្រះនាងអង់គ្លេស Kate ចាយជាង៥ម៉ឺនក្នុង១សប្ដាហ៍លើសំលៀកបំពាក់

2016-04-21 13:05:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរយៈពេលមួយសប្ដាហ៍ធ្វើទស្សនកិច្ចនៅប្រទេសឥណ្ឌានិងប៊ូតាន់ ព្រះនាងអង់គ្លេស Kate Middleton បានស្លៀកសំលៀកបំពាក់អស់១៧ឈុតនិងចំណាយលុយជាង៥ម៉ឺនដុល្លារ។

ថ្មីៗនេះ គូស្វាមីភរិយារបស់ព្រះអង្គម្ចាស់ចក្រភពអង់គ្លេស William និងព្រះនាង Kate Middleton បានធ្វើដំណើរទស្សនកិច្ចទៅកាន់ប្រទេសឥណ្ឌានិងប៊ូតាន់ក្នុងរយៈពេល១សប្ដាហ៍។ ក្នុងដំណើរទស្សនកិច្ចលើកនេះ ព្រះនាង Kate បានបន្តធ្វើឲ្យអ្នកគាំទ្រអត់នឹងមិនសរសើរមិនបានចំពោះស្ទីលស្លៀកពាក់ដ៏ស្អាតឥតខ្ចោះរបស់ខ្លួន។

ក្នុងរយៈពេល១សប្ដាហ៍ធ្វើទស្សនកិច្ចនៅឥណ្ឌា អតីតតារាម៉ូដែលអាយុ ៣៤ឆ្នាំបានស្លៀកសរុបខោអាវចំនួន១៧ឈុតដោយផ្លាស់ប្ដូរពី២ទៅ៣កំផ្លេក្នុងមួយថ្ងៃ។ ហើយតម្លៃសម្រាប់សំលៀកបំពាក់ទាំងនេះក៏មិនមែនថោកធម្មតាដែរ។ តាមការប៉ាន់ស្មានរបស់អ្នកជំនាញ តម្លៃសរុបរបស់ខោអាវទាំង១៧ឈុតរបស់ព្រះនាង Kate ក្នុងដំណើរទស្សនកិច្ចលើកនេះគឺឡើងដល់ជាង៥ម៉ឺនដុល្លារ។ ក្រឡេកមើលឈុតសំលៀកបំពាក់ស្អាតៗរបស់ព្រះនាង Kate Middleton ក្នុងដំណើរទៅកាន់ប្រទេសឥណ្ឌានិងប៊ូតាន់ទាំងអស់គ្នា៕